7/6/07

തെറ്റ്‌

ഞാന്‍ ഒരു തെറ്റാണ്‌ !
ശരിയായിട്ടെഴുതിയിടും
മുരടന്‍ വാദ്ധ്യാന്‍മാര്‍ മനപ്പൂര്‍വം
ചുവപ്പില്‍വളഞ്ഞിട്ട ഒരു വമ്പന്‍ തെറ്റ്‌ !
ശരിയാണെന്നുറപ്പുണ്ടായിട്ടും
പുനര്‍നിര്‍ണയത്തിനപേക്ഷിക്കാന്‍
‍തുനിഞ്ഞില്ല
ശരിയാണു ഞാനെന്നുറക്കെ
കരഞ്ഞില്ല
തെറ്റുകളിലേക്കുള്ള വഴിതുടങ്ങുന്നിടത്തു
ചത്തുകിടന്ന ശരികളെച്ചവുട്ടി
ഞാന്‍ മുന്നോട്ടു നടന്നു
ഒടുവില്‍ തെറ്റുകള്‍കൊണ്ടൊരു
ഘോഷയാത്ര തീര്‍ന്നപ്പൊള്‍
‍എന്നെ തിരുത്താന്‍വന്നവരെ
ഞാന്‍ ആട്ടിയോടിച്ചു
എന്‍റ്റെ തെറ്റുകള്‍ക്കു മാര്‍ക്കിടാന്‍
‍ഞാന്‍ ആരെയും അനുവദിച്ചില്ല
അതിലൊട്ടും പശ്ചാത്തപിച്ചില്ല
തെറ്റുകള്‍കൊണ്ടൊരു
മഹത്തായശരിയുടെ തത്വശാസ്ത്രം
ഞാന്‍ തീര്‍ത്തു..
ജീവിതം...!

4 അഭിപ്രായങ്ങൾ:

  1. പ്രിയപ്പെട്ട സനാതനം, താങ്കളുടെ കവിത വളരെ ഇഷ്‌ടപ്പെട്ടു. അതെന്റെ ഹൃദയത്തെ സ്പര്‍ശിച്ചുവെന്നു പറഞ്ഞാല്‍പ്പോരാ!
    വീണ്ടും എഴുതൂ!

    മറുപടിഇല്ലാതാക്കൂ
  2. തെറ്റുകള്‍കൊണ്ടൊരു മഹത്തായശരിയുടെ തത്വശാസ്ത്രം - ജീവിതം
    വളരെ ശരി,അഭിനന്ദനങ്ങള്‍!

    മറുപടിഇല്ലാതാക്കൂ
  3. സ്വാഗതം സനാതനന്‍... വളരെ നല്ല കവിത.. ഇനിയും കൂടുതല്‍ രചനകള്‍ പ്രതീക്ഷിക്കുന്നു. താങ്കളുടെ രചനകള്‍ www.mobchannel.com
    ലൂടെ ഫ്രീയായി പ്രസിദ്ധീകരിക്കാനുള്ള വിശദ വിവരങ്ങള്‍ ഇവിടെ ഉണ്ട്. mobchannel at gmail.com ഒരു മെയില്‍ അയച്ചാല്‍ രജിസ്റ്റര്‍ ചെയ്യുന്നതിനായി ഇന്‍ വിറ്റേഷന്‍ ലഭിക്കും. ഇവിടെ പ്രസിദ്ധീകരിക്കുന്ന മികച്ച ബ്ലോഗുകള്‍ക്ക് www.mobchannel.com ന്റെ ബൂക്ക് സ്റ്റോറില്‍ നിന്നും പുസ്തകങ്ങള്‍ സമ്മാനമായി ലഭിക്കുന്നു, കൂടാതെ ഉടന്‍ പ്രസിദ്ധീകരിക്കാന്‍ പോകുന്ന ബ്ലോഗ് ഡൈജസ്റ്റില്‍ ഇവ പ്രസിദ്ധീകരിക്കാനുള്ള അവസരവും ലഭിക്കുന്നു..

    qw_er_ty

    മറുപടിഇല്ലാതാക്കൂ