9/6/07

എന്‍റ്റേത്‌

ഈ കാണുന്നതൊക്കെ
എന്‍റ്റേതായിരുന്നു..
ഈ വലിയ പുരയിടവും
തലയെടുപ്പുള്ള കൊട്ടാരവും..
അതിനുള്ളിലെ ഷോക്കേസില്‍
‍തിളങ്ങുന്ന പുരസ്കാരങ്ങളും..
അലമാരയുടെ അടിയില്‍,
എനിക്കു മാത്രം അറിയാവുന്ന
അറയില്‍,
ടാക്സു വെട്ടിച്ചു പൂഴ്ത്തിയ
നോട്ടുകെട്ടുകളും പണ്ടങ്ങളും....
ടൌണിലെ ഷോപ്പിംഗ്‌ കോമ്പ്ലെക്സ്‌..
സിനിമാ തിയേറ്റര്‍..
പോളിടെക്നിക്‌, ആശുപത്രി..
----------------------
നിയമത്തിലുണ്ടായിരുന്നപ്പോള്‍
‍കണ്ണൊന്നടച്ചതിനു കിട്ടി
കോടികള്‍
‍നീതിയിലായപ്പോള്‍
ക്ണ്ണുതുറന്നതിനും
കോടികള്‍
‍പിന്നീടു "രാജ്യസേവനത്തിന്‍റ്റെ"
കാലത്തു'ചില്ലറ സഹായങ്ങള്‍'ക്കു
കിട്ടിയ'ചെറിയ ഉപഹാരങ്ങള്‍'..
--------------------------
കാടു കയറിയ നൂറേക്കര്‍..
പുഴയിറങ്ങിക്കോരിയതും,
മലയിടിച്ചു വാരിയതും,
ലക്ഷങ്ങള്‍
‍ബസുകള്‍, ലോറികള്‍, ജെസിബി..
പിന്നെ ആ പുതിയ ബെന്‍സ്‌,
അതിനു പിന്നിലെ ടൊയോട്ട,
അതാ ആ കാണുന്ന ഫോര്‍ഡ്‌...
ഹൊ...?
ഇപ്പോള്‍ എന്‍റ്റേതായി
എന്താണുള്ളത്‌..!
കത്തിത്തീരാന്‍ വൈകുന്ന
നെഞ്ചിന്‍ കൂടും
കരിപിടിച്ച ഈ കുഴിയും
കുറെ ചാരവും മാത്രം...

3 അഭിപ്രായങ്ങൾ:

  1. "when i surveyed all that my hands had done and what i had toiled to achieve, everything was meaningless, a chasing after the wind, nothing was gained under sun"

    മന്നവനാട്ടെ യാചകനാട്ടെ ആറടി മണ്ണില്‍ നീറിയൊദുങ്ങും...

    ഇങ്ങനെയൊക്കെ ഓര്‍ത്തു, ഇത് വായിച്ചപ്പോള്‍.

    പിന്നെന്തിനാ നമ്മളീ പരക്കം പായണേ?

    മറുപടിഇല്ലാതാക്കൂ