15/11/07

ഈച്ച

നാണമഴിഞ്ഞ്-
എളുപ്പം വെടിപ്പാവുന്നത്
പെണ്‍സത്തയാണ്.
പത്തോ പന്ത്രണ്ടോ
കഴിയുമ്പോഴേക്കും
തുടവഴി പൊട്ടിയൊഴുകിയും
എത്രയമര്‍ത്തിക്കെട്ടിയാലും
നെഞ്ചില്‍ കുലുങ്ങിച്ചിരിച്ചും
നാട്ടുകാരെയറിയിക്കും
അവളുടെ നാണത്തിന്റെ
രഹസ്യങ്ങള്‍.

അങ്ങാടിപ്പാട്ടുകളിലേക്ക്
അഴിഞ്ഞുപോയിട്ടും
ബാക്കിയുള്ള നാണത്തിന്റെ
കറയാണ് മാസാമാസം
അയയില്‍ കാ‍ണുന്നത്.
പുറം മോടിയുള്ള
തുണികള്‍ക്കടിയില്‍,
ഉണക്കാനിട്ട കൊടിക്കൂറകളില്‍.

അതുകൂടി കൊണ്ടുപോകാന്‍
‍പേറ്റുനോവിന്റെ കൊടുങ്കാറ്റെത്തും.
അവളുടെ അടിപ്പാവാട
അടിച്ചുപറത്തും.
തുടകള്‍ കവച്ച്
യോനിപിളര്‍ത്തി
അവള്‍ വിളമ്പിക്കൊടുക്കും,
തുറന്നുപിടിച്ച
പകല്‍ക്കണ്ണുകള്‍ക്കു മുന്നില്‍
അവളുടെ നാണത്തിന്റെ
അവസാനത്തെ ഇറച്ചി.

ആണിന്റെ നാണം
എവിടെയാണുള്ളതെന്ന്
ഇനിയും കണ്ടെത്തിയിട്ടില്ല.
ഗവേഷണങ്ങള്‍ നടക്കുന്നു.

അവന്റെ തുണിപൊക്കിയാല്‍
കാണുന്നില്ല
അതുകൊണ്ട്
അവന്റെ രഹസ്യങ്ങളുടെ
അറകള്‍ പൊളിച്ചുനോക്കുന്നു.
അവന്റെ നെഞ്ചിലുള്ളത്
നാണത്തിന്റെ മയിരുകളാണോ
എന്ന് പിഴുതുനോക്കുന്നു
കാണുന്നില്ല
അതുകൊണ്ട്
അവന്റെ ആത്മാവ്
കുഴിച്ചുനോക്കുന്നു.
അവനെ തിരിച്ചും മറിച്ചും
അളന്നും പിളര്‍ന്നും നോക്കുന്നു
കാണുന്നില്ല.
കാണുകയുമില്ല.

മരിച്ചുകുളിച്ചു വരുന്നതുവരെ
കണ്ടെത്താനും
കഴുകാനുമാവില്ല
അവന്റെ നാണം.
അത്രയും കാലം
തീട്ടത്തിനു ചുറ്റും
ഈച്ചകളെപ്പോലെ
അവന്റെ തലയെടുപ്പിനു ചുറ്റും
പറന്നു നടക്കും ആണിന്റെ നാണം

30 അഭിപ്രായങ്ങൾ:

  1. ആണിനു വ്വെണ്ടതു നാണമല്ല സുഹൃത്തെ, ധൈര്യമാണ്‌.

    മറുപടിഇല്ലാതാക്കൂ
  2. നല്ലൊരു അശ്ലീലകവിത
    മാഷിന്റെ
    മാസ്റ്റര്‍പീസാവട്ടെ ഇത്‌

    പുട്ടാലുവിന്റെ
    ഇന്നത്തെ ഉറക്കം പോയി
    വായിച്ചു തീര്‍ന്നപ്പോ
    ഞരമ്പിനൊക്കെ ഒരു പിടയല്‍

    ഇപ്പോ ആളുകളൊക്കെ ഇവിടെയെത്തും കൂടുതലും ചീത്ത കമന്റുകളാവും.
    മാഷ്‌ തളരരുതേ

    മറുപടിഇല്ലാതാക്കൂ
  3. ഇതിനിപ്പോ എന്താ കമന്റ് ഇടുക.
    നന്നായി എന്ന് പറയാതിരിക്കാന്‍ വയ്യ.

    മറുപടിഇല്ലാതാക്കൂ
  4. പ്രമോദൂം വിഷ്ണുമാഷും കൊണ്ടുവന്ന ഒരു ഫാഷന്‍(?) പ്രചരിപ്പിക്കുന്നുവെന്നല്ലാതെ ഈ കവിത ഒന്നും തരുന്നില്ല

    മറുപടിഇല്ലാതാക്കൂ
  5. സനാതനാ ആണിന്റെ നാ‍ണം കക്ഷത്തിന്റെ ഇടയിലാ. ഇപ്പൊ കണ്ട്പിടിച്ചതാ :) തുണിയൊന്നും പൊക്കണ്ട് അവിടെ തപ്പി നോക്കിയാ മതി.

    എന്താ കവിത. അപാരം.

    മറുപടിഇല്ലാതാക്കൂ
  6. ചെമ്പരത്തി2007, നവംബർ 16 12:11 AM

    പെണ്ണിന്റെ നാണം എവിടെയാണെന്നു കിറുകൃത്യമായി മനസിലായി.ആണിന്റെ നാണവും ശൂന്യാകാശ ഗവേഷണവും തമ്മില്‍ എന്തോ ബന്ധമുണ്ടെന്നും.

    ഈയാണ്ട് ഇങ്ങനത്തെ കവിത വായിച്ചിട്ടില്ല .ഈച്ച പറന്നു പോകുന്നതിനു മുന്‍പേ ഒക്കെയുമിങ്ങോട്ടു പോരട്ടേ.. കൊടുങ്ങല്ലൂരമ്മയ്ക്കു സമര്‍പ്പിച്ച് ഒരു ബുക്കിറക്കാമല്ലോ.

    മറുപടിഇല്ലാതാക്കൂ
  7. ശരീരത്തിന്റെ നാണം... ആത്മാവിന്റെ നാണം... പെണ്ണിന്റെ നാണം വെളിപ്പെടുത്തലുകളും, പന്കു കച്ചവടങ്ങളുമാകുന്നു; ആഘോഷിക്കപ്പെടുകയും ചെയ്യുന്നു. ആണിന്റെ നാണം എവിടെയാണാവോ
    തുറന്നെഴുത്തുകളെ സമൂഹം അന്നും ഇന്നും എന്നും ഭയപ്പെടുന്നു എന്നു വീണ്ടും ബോദ്ധ്യമായി. മനസ്സില് കെട്ടി വലിച്ച് കൊണ്ട് നടക്കുന്ന ചില വാക്കുകള് തന്നെ ആരെന്കിലും എവിടെയെന്കിലും എഴുതിക്കണ്ടാല് അശ്ളീലമായി, സാംസ്ക്കാരികാധ:പതനമായി, മണ്ണാന്കട്ടയായി.
    ചോപ്പ് ഈ തുറന്നെഴുത്തിനെയാണോ താന്കള് ഫാഷന് എന്ന് വിളിച്ചത് വിഷ്ണു മാഷിനേയും പ്രമോദിനേയും വായിക്കുകയും ഇഷ്ടപ്പെടുകയും ചെയ്യുന്ന ഒരാളെന്ന നിലയ്ക്ക് തന്നെ പറയട്ടെ, ഈ കവിത ഒരു ഫാഷന്റെ ചുവട് പിടിച്ച് പോകുന്നുവെന്ന് എനിക്കൊട്ടും തോന്നുന്നില്ല. സനാതനനുള്പ്പടെ ഈ മൂന്ന് പേര്ക്കും അവരുടേതായ ഒരു ശൈലി ഉണ്ട്. പിന്നെ മലയാള ഭാഷയില് മനുഷ്യര്ക്കറിയാവുന്ന വാക്കുകള്ക്ക് പരിധിയില്ലേ

    മറുപടിഇല്ലാതാക്കൂ
  8. സുനീഷേ

    വരികളേക്കാള്‍ വരിക്കുള്ളിലെ വരകൊണ്ടു പലതും പറയുന്ന ആളാണു പ്രമോദ്, അവിടെ ഇടക്കു വരുന്ന ' തുറന്നെഴുത്തുകള്‍ ' ഒരു ഫാഷനാകുന്നുവെന്നാണു ഞാന്‍ പറഞ്ഞത്. എത്ര ശക്തമായ സാമൂഹ്യപാഠമായാലും സൊഉന്ദര്യമായാലും പച്ചക്കു തെറിയായി പറയാനാണെങ്കില്‍ കവിയുടെ ആവശ്യമില്ലെന്നു ഞാന്‍ കരുതുന്നു.
    ശ്ലീലം എന്നൊന്നിനെ രുചിച്ചുനോക്കണമെങ്കില്‍ അശ്ലീലം എന്നൊന്നിനെ സൃഷ്ടിച്ചേ മതിയാകൂ. ഇതില്‍ രണ്ടാമത്തേതെന്നു പേരിട്ടു വിളിക്കുന്ന പലതും ആസ്വദിക്കപ്പെടുന്നതും അതു സംവേദനത്തിനുപയോഗിക്കപ്പെടുന്നതും മുഴുവന്‍ തുറന്നും പൊക്കിയും ആരും കാട്ടാത്തതുകൊണ്ടു തന്നെയാണ്. തെറികള്‍ മുഴുവന്‍ ഭാഷയായിക്കഴിഞ്ഞാല്‍ പിന്നെയൊരു തെറി വിളിക്കാനെന്തു ചെയ്യും സ്നേഹിതാ.

    മറുപടിഇല്ലാതാക്കൂ
  9. ഫാഷന്‍?

    ഒരു കവിത ആവശ്യപ്പെടുന്ന മൌലികത ഈ കവിതയ്ക്കുള്ളില്‍ തീര്‍ച്ചയായും ഉണ്ട്.

    ചോപ്പേ ലാപുട ഒരു കമന്റില്‍ പറഞ്ഞ കാര്യമുണ്ട്, ഒന്ന് നീട്ടിയോ കുറുക്കിയോ വിളിച്ചാല്‍ മലയാളത്തിലെ മിക്കവാക്കും തെറിയാണെന്ന്. തെറികള്‍ക്കു പഞ്ഞം വരുമെന്ന് കരുതി അതുകൊണ്ടു സങ്കടപ്പെടേണ്ടതില്ല.

    മറുപടിഇല്ലാതാക്കൂ
  10. ആണിന്റെ നാണത്തെപ്പറ്റിയുള്ള ഗവേഷണങ്ങള്‍ ഇനി നിര്‍ത്താം.അതില്ലെന്നു ഇവിടൊരാള്‍ തെളിയിച്ചു കഴിഞ്ഞു.

    മറുപടിഇല്ലാതാക്കൂ
  11. “ ഒരു കവിത ആവശ്യപ്പെടുന്ന മൌലികത ഈ കവിതയ്ക്കുള്ളില്‍ തീര്‍ച്ചയായും ഉണ്ട് “ ഇതൊരു വായനയാണ്. ഈ ബ്ലോഗിലെ പല കവിതകളും ഞനെന്റെ കണ്ണടകൊണ്ട് വായിക്കുകയും തിരിച്ചു പോരുമ്പോള്‍ കൂടെ കൊണ്ടുപോരുകയും ചെയ്തിട്ടുണ്ട്.ഇതും കൂടെ കൊണ്ടുപോരുന്നുണ്ട് - വ്യത്യാസമുണ്ടെന്നു മാത്രം.

    “ ഒന്ന് നീട്ടിയോ കുറുക്കിയോ വിളിച്ചാല്‍ മലയാളത്തിലെ മിക്കവാക്കും തെറിയാണ് “ ഇതാരു പറഞ്ഞതായാലും അതിന്റെ relevance എനിക്കു പിടികിട്ടുന്നില്ല. കുറേ നീട്ടിയും കുറുക്കിയും നോക്കിയിട്ടും അറിയാവുന്ന തെറികളൊന്നും വാക്കുകളായതുമില്ല. തെറിപരിജ്ഞാനത്തിന്റെയോ പദപരിജ്ഞാനത്തിന്റെയോ പോരായ്മയാവാം. എന്റെ വിവരം വച്ച് ‘മിക്ക’ എന്നത് 75% ത്തെ എങ്കിലും ഉള്‍ക്കൊള്ളുന്ന ഒരു വാക്കാണ്. മലയാളതിന്റെ “മലയാ” മുഴുവനും നീട്ടിയും കുറുക്കിയും ഒരു കുഞ്ഞുതെറിക്കുപ്പിക്കുള്ളിലൊതുക്കാന്‍ പറ്റും !

    കാര്യത്തിലോട്ടു വരാം, ഞാന്‍ പ്രകടിപ്പിച്ചത് തെറികള്‍ തീര്‍ന്നുപോകുമോ എന്ന ദു:ഖമൊന്നുമല്ല.[തീര്‍ന്നുപോയാല്‍ അതു വളരെ സങ്കടമുള്ള കാര്യമാണെങ്കിലും :)]. ‘തുറന്നെഴുതലു‘കളുടെ ആസ്വാദനത്തെപ്പറ്റിയാണ്.

    “ മൂത്താശാരി പണിക്കിരുന്നാല്‍
    ഉണക്കമരങ്ങള്‍പോലും
    എണ്ണ കിനിഞ്ഞ് മലര്‍ന്നു കിടക്കും “

    ഇവിടെ പറയുമ്പോലെ തുറന്നെഴുതിയിരുന്നേല്‍ ഇതു

    “ മൂത്താശാരി പൂശാന്‍ വന്നാല്‍
    ഏതു പരട്ടവെടിയും
    കാ‍ലകത്തികാട്ടും “ എന്നായേനെ

    അതു വായിക്കാന്‍ രാപ്പനിയില്‍ പോവേണ്ടതില്ല. കൊടുങ്ങല്ലൂര് ഓര്‍ക്കസ്റ്റ്രയോടെ കേള്‍ക്കാം.

    ഈ കവിത ഒരു പ്ലാറ്റ്ഫോം ആയി എന്നെ ഉള്ളു,
    പ്രതിപാദിക്കുന്നത് ഒരു പ്രവണതയെക്കുറിച്ചാ‍ണ്.

    - സ്നേഹാദരങ്ങളോടെ

    മറുപടിഇല്ലാതാക്കൂ
  12. ചോപ്പേ തെറിയെന്ന് പറയുന്നത് തമിഴ് കലര്‍ത്തിയ അശ്ലീലം മാത്രമല്ല. ‘പെങ്ങളേ’ എന്ന വാക്ക് കൂത്തച്ചി എന്ന വാക്കിനേക്കാള്‍ അശ്ലീലത്തോടെ ‘തെറിയായി’ ഉപയോഗിക്കുവാന്‍ അറിയുന്ന മലയാളികളെ എനിക്കറിയാം. ഈ തുറന്നെഴുത്തില്‍ അശ്ലീലം കാണാവുന്നതിനേക്കാള്‍ ‘തെറി’ കാണുന്നുണ്ടാവും, അത് കൊടുങ്ങല്ലൂരെ ഭരണിപ്പാട്ടിലെ അശ്ലീലമല്ല. ഭരണിപ്പാട്ട് കേട്ട് ആരും ഉള്ളിലേയ്ക്കു ചുളിങ്ങിയത് കേട്ടിട്ടില്ല, തെറിപ്പാട്ടെന്ന് പേരുണ്ടെങ്കിലും അശ്ലീലമാണ് വിഷയം.

    തെറിക്ക് ഏറ്റവും കുറവ് ചെയ്യാന്‍ പറ്റുന്നത് അത് കേള്‍ക്കുന്നവനെ ‘നാണം കെടുത്തുക’ എന്നതാണ്. അത് പറയുന്നവന്‍ സഭ്യമല്ലാത്ത ഒരു വാക്ക് ഉപയോഗിച്ച് സ്വയം നാണം കെടുത്തി മറ്റൊരാളെ നാണം കെടുത്തുമ്പോഴാണ് ആ വാക്ക് മറ്റൊരാള്‍ക്ക് തെറിയാവുന്നതും. പുറത്ത് പ്രദര്‍ശിപ്പിക്കുമ്പോള്‍ സഭ്യമല്ലാത്ത പല ശരീരാവയവങ്ങളും തെറിയാവുന്നത് അങ്ങിനെയാണ്, അത് പുറത്ത് കാണിക്കുമ്പോള്‍ കാണിക്കുന്നവും കാണുന്നവും നാണം കെടുന്നുണ്ട് (മുണ്ടുപ്പൊക്കി കാണിക്കുന്നത് തെറിയാണ്, നഗ്നതാപ്രദര്‍ശനമോ അശ്ലീലമോ അല്ലാതാവുന്നത് അങ്ങിനെയാണ്).

    അനിലിന്റെ കവിതയുടെ പരിഭാ‍ഷ അശ്ലീലത്തിലേയ്ക്കാണ് താങ്കള്‍ നടത്തിയത്, തെറിയിലേയ്ക്കല്ല. സനാതനന്റെ കവിത വായനക്കാരനെ നാണം കെടുത്തുന്നുണ്ടെങ്കില്‍, അത് കവി ഉദ്ദേശിച്ചത് തന്നെയാണ്. എല്ലാ തെറികളും ഒരു ഉദ്ദേശത്തോടെയാണ് ഉണ്ടാവുന്നതും. വായനക്കാരനെ രണ്ട് തെറിവിളിക്കാനെങ്കിലും കവിയ്ക്കാവണം.

    ഓഫ്: നഗരങ്ങളില്‍ തെറികള്‍ തമിഴ്-പദാവലികളും ഗ്രാമങ്ങളില്‍ (ദക്ഷിണ മലബാറിലെ ഗ്രാമങ്ങളിലെങ്കിലും) അത് ‘കഴുവേറി’ പോലുള്ള പദങ്ങളും ആയതെന്തുകൊണ്ടാണെന്ന് ചിന്തിച്ചു നോക്കിയിട്ടുണ്ടോ? പാരമ്പര്യവാദികളാ‍യ ഗ്രാമീണരില്‍ ബ്രിട്ടീഷ് കാലത്തെ കഴുവേറ്റപ്പെടലാണ് പരമ്പാരാഗതമായി ഏറ്റവും വലിയ നാണക്കേട്, ആ നാണക്കേടില്‍ നിന്ന് ഒഴിഞ്ഞ് പോന്ന നഗരവാസികളില്‍ അപരിഷ്കൃതരെന്ന് ഏറെക്കുറെ ഭ്രൂരിഭാഗം മലയാളികളും വിശ്വസിക്കുന്ന തമിഴരുടെ വൊക്കാബുലറി മുണ്ടുപൊക്കിക്കാണിക്കുന്നതിന്റെ ഭാഷാവകഭേദങ്ങള്‍ തെറിയുമായതുമാവാം.

    മറുപടിഇല്ലാതാക്കൂ
  13. ഹല്ലാ ,,,

    ചോപ്സ് നീ ആകെ കണ്‍ഫൂസ്ഡ് ആക്കിയല്ലപ്പീ

    നീ ഇരിങ്ങലിന്റെ അസ്വാദനം വായിച്ച് പഠിക്ക് മാനേ,[http://komathiringal.blogspot.com/2007/08/blog-post.html] മ്മടെ സനാതനനന്റെ കമന്റുകളും ഉണ്ട് അവിടെ.


    ഈ പെരിങ്ങ്സ് എന്തിരിത് പറേണതപ്പീ,

    1) (‘പെങ്ങളേ’ എന്ന വാക്ക് കൂത്തച്ചി എന്ന വാക്കിനേക്കാള്‍ അശ്ലീലത്തോടെ ‘തെറിയായി’ ഉപയോഗിക്കുവാന്‍ അറിയുന്ന മലയാളികളെ എനിക്കറിയാം.)

    അപ്പീ ഒന്നു പരിചയപ്പെടുത്തി തരീ ശിഷ്യപ്പെടാല്ലാ :)

    2) കൊടുങ്ങല്ലൂരെ ഭരണിപ്പാട്ടിലെ അശ്ലീലമല്ല. ഭരണിപ്പാട്ട് കേട്ട് ആരും ഉള്ളിലേയ്ക്കു ചുളിങ്ങിയത് കേട്ടിട്ടില്ല, തെറിപ്പാട്ടെന്ന് പേരുണ്ടെങ്കിലും അശ്ലീലമാണ് വിഷയം.

    തള്ളേ നീ പുലിയാണ് കേട്ടാ. എല്ലോരും ഫാമിലിയായിട്ടല്ലേ പോണത് കൊടുങ്ങല്ലൂര്‍ക്ക് :)

    3) സഭ്യമല്ലാത്ത പല ശരീരാവയവങ്ങളും തെറിയാവുന്നത് അങ്ങിനെയാണ്,

    അപ്പീ ഒന്നു പറഞ്ഞ് തരീന്‍ എന്തരിത് സഭ്യമല്ലാത്ത അവയവം. മ്മടെ ശരീരത്ത് ഒള്ളത് തന്നേ /.?

    4) കവിത വായനക്കാരനെ നാണം കെടുത്തുന്നുണ്ടെങ്കില്‍, അത് കവി ഉദ്ദേശിച്ചത് തന്നെയാണ്. എല്ലാ തെറികളും ഒരു ഉദ്ദേശത്തോടെയാണ് ഉണ്ടാവുന്നതും. വായനക്കാരനെ രണ്ട് തെറിവിളിക്കാനെങ്കിലും കവിയ്ക്കാവണം.

    തള്ളേ ഇതു കത്തീലാ കെട്ടാ. കവി വായനക്കാരനെ തെറി വിളിക്കേ ...എന്തരിന്ത്. പാവം നമ്മുടെ മഹാ കവികള്‍

    5) ആ ഓഫ് എനിക്കിഷ്ടായിട്ടാ


    ബൌ ബൌ

    മറുപടിഇല്ലാതാക്കൂ
  14. സനാതനന് മാഷ് ആ തെറി ഇവിടെ ഇറക്കി വച്ചു. ഇപ്പോഴും നിങ്ങളത് ചുമക്കുന്നുവെന്കില് (പെരിങ്ങോടന് പറഞ്ഞത് പോലെ, നിങ്ങളെ നാണം കെടുത്തിക്കൊണ്ട്) കപടമാനസരേ.... കഷ്ടം !!!!

    മറുപടിഇല്ലാതാക്കൂ
  15. സുനീഷ് കെ എസേ ..
    ഇറക്കിവയ്ക്കാന്‍ ഇതെന്താടോ അത്താണിയോ, തെറിയെന്താ ചുമടോ. പിന്നെ നിങ്ങളേ നാണം കെടുത്തിയെന്നു പറഞ്ഞത് ആരെയാ ചേട്ടാ‍ാ‍ാ‍ാ‍ാ‍ാ.
    വായനക്കാരെയാ ?

    സുനീഷേ പെരിങ്ങോടന്‍ മറുപടി പറഞ്ഞോളും കേട്ടാ മാനേ

    മറുപടിഇല്ലാതാക്കൂ
  16. സ്വന്തം സ്വന്തം അസ്തിത്വത്തെക്കൂടി നാണിക്കുന്നവരെ നാണിപ്പിക്കാനെന്നല്ല.അവരുടെ മുന്നില്‍ നാണിക്കാന്‍ കൂടി കഴിയില്ല.അവര്‍ നായ്ക്കളും ചെന്നായ്ക്കളും ചെമ്മരിയാടുകളുമായി മാറും.നാണിക്കുക,നാണിപ്പിക്കുക,തിരക്കനുഭവിക്കുക,തിരക്കനുഭവിപ്പിക്കുക,ചിരിക്കുക,ചിരിപ്പിക്കുക.ഇവയൊക്കെയാണ് മനുഷ്യനെ മൃഗങ്ങളില്‍ നിന്നും വേറിട്ടു നിര്‍ത്തുന്നത്.മനസിലായിട്ടും മനസിലായില്ലെന്നു നടിക്കുക ഉള്ളിലുണ്ടായിട്ടും ഒട്ടുമില്ലെന്നു നടിക്കുക ഇവകൂടി അക്കൂട്ടത്തില്‍ പെടും.ഇതൊന്നും ആരുടെയും കുറ്റമല്ല.മനുഷ്യപ്രകൃതിയാണ്.അവനുമാത്രമേ മൃഗങ്ങളെപ്പോലെ അഭിനയിക്കാന്‍ കഴിയൂ.

    മറുപടിഇല്ലാതാക്കൂ
  17. ബൌബൌ എന്നതൊരു വികലമായൊരു കാര്‍ട്ടൂണ്‍ പട്ടിക്കുരയാണ്. കടിക്കുന്നതോ കടിക്കാത്തതോ ആയ അസ്സല്‍ പട്ടികള്‍ ബൌബൌ എന്നിങ്ങനെ അവസാന പേജ് കാര്‍ട്ടൂ‍ണുകളിലെ പോലെ ക്ലീഷേയ്ഡ് ആയി കുരയ്ക്കില്ല. ബോബന്‍ & മോളിയിലെ പട്ടിയിലെ പോലെ എല്ലാ ഫ്രെയിമിലും നിറഞ്ഞ് നിക്കണമെന്ന് ഇത്ര അത്യാഗ്രഹമോ ബൌബൌബ്ലോഗറേ?

    മറുപടിഇല്ലാതാക്കൂ
  18. @പെരിങ്ങ്സ്
    താങ്കള്‍ക്ക് എന്തെങ്കിലും ഞാന്‍ ചോദിച്ചതിനു മറുപടി പറയാനുണ്ടെങ്കില്‍ പറയാം :). ഇല്ലെങ്കില്‍ വിട്ടു കള . അതല്ലേ അതിന്റെ ശരി.

    മറുപടിഇല്ലാതാക്കൂ
  19. ചളുക്ക് എഴുത്ത്.. ഇതിനെ കവിത എന്നു വിളിക്കാന്‍ പോലും പറ്റില്ല.അതിനെ പൊക്കി കൊണ്ട് നടക്കാന്‍ കുറേആളുകളും

    മറുപടിഇല്ലാതാക്കൂ
  20. പുട്ടാലൂ, ബൌ ബൌ, ശംഭൂ
    കേട്ടിട്ടുണ്ടോ ഒരു ചൊല്ല്,
    "പശുവിനുള്ളത് പശുവിനും,
    പട്ടിക്കുള്ളത് പട്ടിക്കും"

    മറുപടിഇല്ലാതാക്കൂ
  21. കവിത തഴുകാന്‍ മാത്രമല്ല തല്ലാനും ഉള്ളതാണ്.പ്രതിഷേധിക്കാനുള്ള ഒരു കവിയുടെ ഉപാധി കൂടിയാണ് കവിത.രൂക്ഷമായ ഭാഷ ലക്ഷ്യം കണ്ടതിന്റെ ലക്ഷണമാണ് ഈ കവിതയ്ക്കു കിട്ടിയ പല കമന്റുകളും.

    മറുപടിഇല്ലാതാക്കൂ
  22. സനാതനന്‍ ഒരു കവിതയെഴുതി. ദിനാന്ത്യക്കുറിപ്പുകള്‍ എന്ന് പേരിട്ട് അയാള്‍ എഴുതുന്നത് ചിലപ്പോള്‍ നല്ലതാവും ചീത്തയാവും. ഇവിടെ ഈ കവിത എല്ലാം തച്ചുടയക്കണം എന്ന മട്ടില്‍ കുറെ വാക്കുകള്‍ ഉപയോഗിച്ചിരുന്നു. മള്‍ട്ടിപ്പീള്‍ ഓര്‍ഗാസത്തെക്കുറിച്ചുള്ള [പത്തോ പന്ത്രണ്ടോ കഴിയുമ്പോഴേക്കും ], യോനി പിളര്‍ത്തി, തുട കവച്ചു തുടങ്ങിയ പ്രയോഗങ്ങള്‍ ഒരു കവിയില്‍ നിന്നും പ്രതീക്ഷിക്കുന്നില്ല. അതാവാം ചീത്ത കമന്റിട്ട (?)വായനക്കാരെ പ്രേരിപ്പിച്ചത്.

    ലൈഗികതെയെക്കുറിച്ചും, പ്രണയത്തെക്കുറുച്ചുമുള്ള ധാരാളം കവിതകള്‍ ബ്ലോഗില്‍ വരുന്നുണ്ട്. അതില്‍ ടി പി അനില്‍കുമാറിന്റെ കവിതകള്‍ എടുത്ത് പറയേണ്ടതാണ്.വികാരങ്ങളെ ശക്തമായ വരികളില്‍ ആവിഷ്കരിക്കാന്‍ കഴിവുള്ള ഒരു കവിയ്ക്ക് ഈ വാക്കുകള്‍ പരിമിതി ആവുന്നേയില്ല എന്ന് അനില്‍കുമാര്‍ പല കവിതകളിലും തെളിയിച്ചിട്ടുണ്ട്. മൌലികമായ കവിതകള്‍ ഒരു രണ്ടാം വായന പ്രേരിപ്പിക്കണം എന്നതാണ് എന്റെ വ്യക്തിപരമായ അഭിപ്രായം

    ചോപ്പ് തുടങ്ങി വച്ച ഒരു കമന്റില്‍ നിന്നാണ് ഈ ചര്‍ച്ച തുടങ്ങുന്നത് തന്നെ. പ്രമോദിന്റേയും വിഷ്ണുവിന്റേയും കവിതകളുടെ പാത പിന്തുടരുന്നു എന്ന ചോപ്പിന്റെ കമന്റ് നല്ലൊരു ചര്‍ച്ചയ്ക്ക് തുടക്കം ആകാമായിരുന്നെങ്കിലും പക്ഷേ വേറേ വഴിക്ക് പോയി. ചോപ്പ് പറയുവാന്‍ വന്നതിനെ മുളയിലേ നുള്ളി :).

    പെരിങ്ങോടന്‍ പറഞ്ഞു. " പെങ്ങളേ' എന്ന വാക്ക് കൂത്തച്ചി എന്ന വാക്കിനേക്കാള്‍ അശ്ലീലത്തോടെ 'തെറിയായി' ഉപയോഗിക്കുവാന്‍ അറിയുന്ന മലയാളികളെ എനിക്കറിയാം" എന്ന്

    അപ്പോള്‍ അങ്ങനെയുള്ള ആളുകളും ഉണ്ട്. കൂത്തിച്ചി എന്ന് വിളിക്കാന്‍ ആ വാക്ക് തന്നെ ഉപയോഗിക്കണെമെന്നില്ല . ഒരു കവിയില്‍ നിന്ന് മൌലികമായ കവിതകള്‍ പ്രതീക്ഷിക്കുന്ന വായനക്കാരന്‍ പ്രതീക്ഷിക്കുന്നതും അതാണ്. മായും, പൂയും, കൂയും കൂട്ടി നല്ല സ്നേഹത്തോടെ തെറി വിളിക്കുന്ന മലയാളികളേയും എനിക്കറിയാം :)

    തുറന്നെഴുതാന്‍ "തുറന്നെഴുതണോ" ? ഒന്നു ശ്രദ്ധിച്ചിരുന്നെങ്കില്‍ ആശയത്തിന്റെ സൌന്ദര്യം കൊണ്ട് എല്ലാവരാലും വായിക്കപ്പെടുന്ന കവിതയാകുമായിരുന്നു ഇത്. ആര്‍ക്കാ അറിയില്ലാത്തത് ലൈഗികതയും, ശരീരഭാഗങ്ങളും, സഭ്യവും, അസഭ്യവും. ? തുറന്നു പറയാന്‍ വേണ്ടി നമ്മള്‍ ഇതു നാട് നീളെ പറഞ്ഞു നടക്കുന്നില്ലല്ലോ.

    ലാപുട പറഞ്ഞു എന്ന പറഞ്ഞ് എന്ന് പറഞ്ഞ് പെരിങ്ങോടന്‍ ക്വോട്ട് ചെയ്ത "ഒന്ന് നീട്ടിയോ കുറുക്കിയോ വിളിച്ചാല്‍ മലയാളത്തിലെ മിക്കവാക്കും തെറിയാണ് " ഈ വാദഗതിയോടു യോജിക്കാന്‍ കഴിയുന്നില്ല. ചോപ്പിനോട് അഭിപ്രായത്തോട് യോജിപ്പ്.

    ഇനിയിപ്പൊ തുറന്നെഴുത്തും അശ്ലീലവും തമ്മില്‍ എവിടെയാണ് അതിര്‍വരമ്പ്. എത്ര ചര്‍ച്ച ചെയ്താലും ഒരു കാര്യവുമില്ല. ഇനി വളരെ രൂക്ഷമായ ഭാഷ ഉപയോഗിക്കുന്നത്, എഴുതുന്നയാളുടെ മാനസികാവസ്ഥ പോലിരിക്കും. കവിതയെഴുതി സനാതനന്‍ അപ്പോള്‍ തന്നെ പോസ്റ്റ് ചെയ്തിരിക്കണം. അല്ലെങ്കില്‍ പിന്നീട് കവിത വായിച്ചു നോക്കുമ്പോള്‍ കവിക്ക് തന്നെ തോന്നാം വേണ്ടായിരുന്നു എന്ന്. ജി ടൊക്കില്‍ ഇടുന്ന ഒരു സ്റ്റാറ്റസ് മെസേജ് പോലെ ഒന്ന്. കവി ആരോടാണോ സംവദിക്കാന്‍ ആഗ്രഹിച്ചിരുന്നത് കവി അത് സാധിച്ചിട്ടുണ്ട്. അങ്ങനെ നോക്കുകയാണെങ്കില്‍ ഈ കലമ്പല്‍ വെറുതെയാണ്.

    നൊക്കൂ ഇവിടെയുംhttp://vezcha.blogspot.com/2007/06/blog-post.html ഈ ബ്ലോഗിലും http://thanaro.blogspot.com/ എന്തു സുന്ദരമായി തുറന്നെഴുതിയിരിക്കുന്നു. :)
    ( ഇനി ഇതു ഞാന്‍ സനാതനനുമായി താരതമ്യം ചെയ്തു എന്ന് പറയരുത് ഒന്നു ഉദാഹരിച്ചതാണേ )
    ഇങ്ങനേയും ആളുകള്‍ എഴുതുന്നുണ്ട്. ഒരു നല്ല കവിയാണ് ഇത് എഴുതിയതെങ്കില്‍ നമ്മള്‍ തുറന്നെഴുത്ത് എന്ന് വിളിച്ച് അഭിനന്ദിക്കുമായിരുന്നോ ? നല്ല കവി എഴുതില്ലായിരിക്കും എന്ന് ആശ്വസിക്കാം.

    ഇനിയെങ്കിലും ഈ ചര്‍ച്ച നേരെ വഴിക്ക് പോകുവാണേല്‍ ഈ വഴി വരാം . നമുക്ക് സംസാരിക്കാം. സനാതനന്റെ കവിതയെ ഫ്ലാറ്റ്ഫോം ആക്കാം. കവിതകളിലെ ശ്ലീലാശ്ലീലങ്ങളെ കുറിച്ച്, തെറികളെക്കുറിച്ച് കവിതകളീലെ രൂക്ഷമായ ഭാഷയെക്കുറീച്ച് സംസാരിക്കാം. നല്ല ഒരു ചര്‍ച്ചയാവും.

    സ്നേഹത്തോടെ

    ഓഫ് 1 : സുനീഷേ മലയാളമല്ലേ ചൊല്ലുകള്‍ ഒരു പാടുണ്ട് :).

    ഓഫ് 2 : ദേ വിക്കിപ്പീഡിയ പറയുന്ന കേട്ടോ * http://en.wikipedia.org/wiki/Theri* ഇനി അതിന്റെ ഒരു കുറവ് വേണ്ട. :)

    മറുപടിഇല്ലാതാക്കൂ
  23. പത്തോ പന്ത്രണ്ടോ
    കഴിയുമ്പോഴേക്കും
    തുടവഴി പൊട്ടിയൊഴുകിയും..

    ആര്‍ത്തവത്തെ കുറിച്ചാണ് സനാതനന്‍ എഴുതിയതെന്ന് ധാരണ. തുറന്നെഴുതുമ്പോള്‍ വായന വഴുക്കിപ്പോകുന്നതാണോ ബൌബൌവിന്റെ പേടിയുടെ കാരണം ;-) [എന്നാലും എങ്ങനെ മള്‍ട്ടിപ്പിള്‍ ഓര്‍ഗാസം വരെ ചിന്തിച്ചുച്ചെന്നു‌]

    ‘ഇനിയെങ്കിലും ഈ ചര്‍ച്ച നേരെ വഴിക്ക് പോകുവാണേല്‍ ഈ വഴി വരാം’ - ബ്ലോഗിലെ പുതിയ ഫാഷനാണോ ഇത്?

    മറുപടിഇല്ലാതാക്കൂ
  24. ഒടുവില്‍ 'ബൌ ബൌ' മനുഷ്യഭാഷയില്‍ മൊഴിഞ്ഞുതുടങ്ങിയതില്‍ പെരുത്തു സന്തോഷം.കവിതയെ ഒരു തരത്തിലും ശരിയായി വായിക്കാതെയായിരുന്നു ആദ്യം വന്ന ബൌ ബൌ പ്രയോഗങ്ങളെന്ന് ഒരു ശില്‍പ്പം പോലെ കൊത്തിവച്ചിരിക്കുന്നു,അദ്ദേഹത്തിന്റെ പുനരവതാര കമന്റില്‍.

    “മള്‍ട്ടിപ്ലിള്‍ ഓര്‍ഗാസം“ തുടവഴിപൊട്ടിയൊലിക്കുന്ന വാട്ടര്‍ ടാങ്കാണ് എന്നതുപോലെ വികലമായ ധാരണകള്‍ പ്രചരിപ്പിച്ച് താങ്കളെപ്പോലെയുള്ള പാവം വായനക്കാരെ പ്രകമ്പിത ലിം‌ഗരാക്കുന്ന എഴുത്തുകളെയാണ് അശ്ലീലം എന്നു പറയേണ്ടത്.
    വളരെ ലളിതമായ വായനയില്‍ പോലും
    “പത്തോ പന്ത്രണ്ടോ
    കഴിയുമ്പോഴേക്കും
    തുടവഴി പൊട്ടിയൊഴുകിയും
    എത്രയമര്‍ത്തിക്കെട്ടിയാലും
    നെഞ്ചില്‍ കുലുങ്ങിച്ചിരിച്ചും
    നാട്ടുകാരെയറിയിക്കും
    അവളുടെ നാണത്തിന്റെ
    രഹസ്യങ്ങള്‍.“

    ഈ വരികള്‍ എന്താണുദ്ദേശിക്കുന്നത് എന്ന് വ്യക്തമാകും എന്നാണെന്റെ ധാരണ(ഏറ്റവും മിനിമം ജീവിത പരിചയം ഉള്ളവര്‍ക്ക്) അതുപോലും വികലമായി വായിച്ച താങ്കള്‍ ഏതു രീതിക്കാണ് ചര്‍ച്ചയെ “നേരേ വഴിക്ക്” കൊണ്ടുപോകുന്നതെന്നറിയാതെ പാവം കവിത വിലപിക്കുന്നുണ്ടാവണം.എന്നിരുന്നാലും ഇനി ഈ വഴിക്കു കണ്ടേക്കരുത് എന്നൊന്നും പറയാന്‍ അത് എഴുതിയവന് അവകാശമില്ല :)
    (ഒരു എടുത്തുചാട്ടത്തിന്റേയും പുറത്ത് പോസ്റ്റു ചെയ്ത കവിതയല്ലിത്.തെല്ലും ആശയക്കുഴപ്പവും എനിക്കിപ്പോഴും ഇല്ല.അതിലെ ഓരോ വാക്കും തികഞ്ഞ ധാരണയോടെ ഉപയോഗിച്ചിട്ടുള്ളതു തന്നെയാണ്.)

    മറുപടിഇല്ലാതാക്കൂ
  25. "തെറി" എന്നോ "അശ്ലീലം" എന്നോ കരുതപ്പെടുന്ന വാക്കുകള്‍ ഒരു പരിധി വരെ കവിക്ക് ഒരു മുതല്‍ക്കൂട്ടാണ്‌. നിനച്ചിരിക്കാത്ത വേളയില്‍ വായനക്കാരന്‌ ഒരു ഷോക്ക് കൊടുക്കാന്‍ ഉതകും അത് പലപ്പോഴും.

    പക്ഷേ, കവിതയില്‍ അതിന്റെ അതിപ്രസരം ഉണ്ടെങ്കില്‍ വായനക്കാരന്‌ ചെടിക്കും. അത് ആരുടേയും കുറ്റമല്ല. പത്തു തവണ ഒരു ഖണ്ഡികയില്‍ "ഞാന്‍" എന്ന വാക്ക് വരുന്നുണ്ടെങ്കില്‍ തന്നെ വായനക്ക് തടസ്സമാവും അത്.

    അടിയന്തരാവസ്ഥ പ്രവചിച്ച ദാര്‍ശനിക തലങ്ങള്‍ ഉള്ളതെന്ന് നിരൂപകര്‍ പറയുന്ന "ധര്‍മപുരാണം" വായനക്കാര്‍ നിരസിച്ചത് ഓര്‍ക്കുക.

    മറുപടിഇല്ലാതാക്കൂ
  26. കണ്ണൂസ്സിനോട് ഒരു പരിധിവരെ യോജിക്കുന്നു.
    പക്ഷേ ധര്‍മ്മപുരാണം വായനക്കാര്‍ നിരസിച്ചു എന്നത് ഏതര്‍ഥത്തില്‍ എന്നു മനസിലാകുന്നില്ല.അനാവശ്യമായി തെറി(?) വാക്കുകള്‍ കവിതയില്‍ കടന്നു വരുന്നത് മടുപ്പുളവാക്കും.(ഒരു കാര്യം ശ്രദ്ധിക്കേണ്ടത് എന്തെന്നാല്‍ ഒരു സമൂഹം അതിന്റെ രോഷവും അമര്‍ഷവും പ്രകടിപ്പിക്കുന്നതിലേക്കുവേണ്ടി, അധികം ഉപയോഗിക്കാതെ സൂക്ഷിക്കുന്ന, ഭാഷയുടെ മണ്ണിനടിയില്‍ കുഴിച്ചിട്ടു പുളിപ്പിച്ചിട്ടുള്ള, വാക്കുകളെയാണ് തെറി എന്നു വിളിക്കുന്നത്)

    പക്ഷേ തെറി എന്നു പറയാവുന്ന ഒരു വാക്കും ഈ കവിതയില്‍ ഇല്ല.പക്ഷേ തെറിവിളി കേട്ടു എന്നു ചില(?) വായനക്കാര്‍ക്ക് തോന്നിയിട്ടുണ്ടെങ്കില്‍ അത് വരികള്‍ ചമയ്ക്കുന്ന ചില ദൃഷ്യങ്ങളാണ്.
    1.യോനി പിളര്‍ത്തി വിളമ്പുക - ഇതില്‍ ഏതാണ് തെറി? യോനിയോ പിളര്‍ത്തിയോ അതൊ വിളമ്പുകയോ?
    2.മയിരു പിഴുതു നോക്കുക - ഇതില്‍ മയിരു തെറിയാണെങ്കില്‍ കോള്‍മയിര്‍ പുളിച്ചതെറിയാകുമോ?
    3.തുണിപൊക്കി നോക്കുന്നു - ഇതില്‍ തുണിയോ പൊക്കിനോക്കലോ തെറിയാകുന്നത്?

    അപ്പോള്‍ മനസിലാകുന്നതെന്തെന്നാല്‍ ഇതൊക്കെ വായിക്കുമ്പോള്‍ വായിക്കുന്നവന്റെ മനസില്‍ ചില കടുത്ത അടികള്‍ വെഴുന്നുണ്ട്.അത് എവിടെ നിന്നാണെന്നു നോക്കാതെ കവിതയെയും കവിയെയും കുറ്റം പറയുന്നത് ഒരുതരം ഒളിച്ചോട്ടമാണ്.

    മറുപടിഇല്ലാതാക്കൂ
  27. കണ്ണൂസേട്ടാ ധര്‍മപുരാണം വായനക്കാര്‍ നിരസിച്ചെങ്കില്‍ അത് വായനയുടെ ബലഹീനതയാണ് . എഴുത്തിന്റേതല്ല. എന്റെ മനസ്സില്‍ 1984 നോടൊപ്പമോ ഒരു പടി മുന്നിലോ ആണ് ആ പുസ്തകം.

    ****
    സനാതനന്റെ ഒപ്പം ഈ കവിത വായിച്ചെത്താന്‍ എനിക്ക് കഴിഞ്ഞില്ല എന്നതുകൊണ്ടാണ് ഇതുവരെ കമന്റാ‍തിരുന്നത്. ഇതില്‍ ഉപയോഗിച്ചിരിക്കുന്ന വാക്കുകളോ ഇമേജറിയോ ഒഫ്ഫന്‍സീവ് ആയികാണുന്നതെന്തിനെന്ന് മനസ്സിലാവുന്നില്ല.

    ഭാഷയെ പട്ടുടുപ്പിച്ച് കെട്ടിലമ്മയാക്കി ഇരുത്തിയിരിക്കുന്നതിന്റെ ഒരുപാട് കുഴപ്പങ്ങള്‍ ഉണ്ട് നമുക്ക്. മുന്‍പൊരുനാള്‍ ‘ഭഗം’ എന്ന വാക്കിന്റെ അര്‍ത്ഥം ഒരു സുഹൃത്തിനോട് പറയേണ്ടിവന്നപ്പോള്‍ പെട്ടെന്ന് ഒരു വാക്ക് കണ്ടുപിടിക്കാന്‍ പെട്ട പാട് !

    മറുപടിഇല്ലാതാക്കൂ
  28. ഒരു ഒന്നൊന്നര ഓഫ്. വിജയന്‍ പോലും പിപ്പലാദനെ ഒന്നു ഓമനപ്പേരുവിളിക്കേണ്ടിവന്നപ്പോള്‍ പിപ്പലാദാ‍ ശ്മശ്രുവേ ... എന്നാ‍ണ് വിളിച്ചത്.

    സംസ്കൃതം കൊണ്ട് തെറി തീക്ഷ്ണമായതേ ഉള്ളൂ എന്ന് എനിക്ക് തോന്നി.

    (പക്ഷെ സൈന്യാധിപനു പകരം ഇട്ടിനാകനെ പിടിക്കാന്‍ ഓടിതളര്‍ന്ന് കാളിയുമായി പൊലയാടുന്ന ആ പോലീസുകാരന്‍ ഉണ്ടല്ലോ..അയാളായിരുന്നു ഈ വാക്കുപയോഗിച്ചിരുന്നതെങ്കില്‍ ടാ മ** ഇട്ടിനാകാ എന്നേ വിജയന്‍ എഴുതുകയുള്ളൂ എന്ന് എനിക്കുറപ്പാണ്.)

    മുകളിലെ ** ഒരു പരീക്ഷണാര്‍ത്ഥം ഇട്ടതാണ്. മനഃപൂര്‍വം. ഇംഗ്ലീഷില്‍ പൊതുവേ ഉപയോഗിക്കുന്ന ഒരു രീതിയാണത്. സെന്‍സിറ്റീവെന്ന് കരുതുന്ന വാക്കിനെ ഒഴിവാക്കാതെയും ഉപയോഗിക്കാതെയും ഇരിക്കുന്ന ഒരു വഴി. ഹാരിപോട്ടറില്‍ പോലും (അവസാന വാല്യത്തില്‍) സ്വെയര്‍ വേഡ്സ് ഏതാണ്ടീരീതിയില്‍ ഉപയോഗിക്കുന്നുണ്ട്. *** ഉപയോഗിച്ചല്ല. എഫ്ഫിംഗ് എന്നോ മറ്റോ ആണെന്നു തോന്നുന്നു. കിട്ടീല്ലേ...

    മറുപടിഇല്ലാതാക്കൂ
  29. സനാതനന്‌ ഞാന്‍ ഉദ്ദേശിച്ചത് എന്തെന്ന് മനസ്സിലായില്ല എന്ന് കരുതുന്നില്ല.

    വാക്കുകള്‍ ഓരോന്നായി എടുത്ത് ചോദിച്ച് ഇതില്‍ ഏതാണ്‌ തെറി എന്ന് ചോദിച്ചാല്‍ കുടുങ്ങിപ്പോവും. സത്യത്തില്‍ തെറി ഒരു വാക്കല്ല, അനുഭവമാണ്‌. അതുകൊണ്ടാണ്‌ പെരിങ്ങോടന്‍ പറഞ്ഞത് പെങ്ങള്‍ എന്ന് വാക്കുപോലും തെറിയായി ഉപയോഗിക്കുന്നവര്‍ ഉണ്ടെന്ന് :)

    സനാതനന്‍ എഴുതിയതും തെറിയോ അശ്ലീലമോ ആണെന്ന് പറയുന്നില്ല. "യോനി"യോ പിളര്‍ത്തലോ അശ്ലീലമല്ല. പക്ഷേ യോനി പിളര്‍ത്തി വെച്ചിരിക്കുന്നു എന്നത് ഒരു ഞെട്ടല്‍ കൊടുക്കും വായനക്കാരന്‌. എട്ടു വരികള്‍ക്കിടയില്‍ അങ്ങിനെ നാലു തവണ ഞെട്ടിയാല്‍, ആ കവിതയുടെ ഉദ്ദേശം എത്ര ഉദാത്തമാണെങ്കിലും നിറവേറ്റപ്പെടില്ല എന്നാണെനിക്ക് വ്യക്തിപരമായുള്ള അഭിപ്രായം.

    മനൂ, ധര്‍മപുരാണത്തെ പരാജയം എന്ന് ഞാന്‍ പറഞ്ഞത് ദാര്‍ശനിക തലത്തില്‍ കാണപ്പെടേണ്ടിയിരുന്നത് എന്ന് പലരും കണക്കാക്കിയ ഒരു നോവലിന്‌ ആ തലത്തില്‍ എത്താനായില്ല എന്നതു കൊണ്ടാണ്‌. ധര്‍മപുരാണം വായിച്ചവര്‍ തന്നെയാണ്‌ അതിനെത്രയോ മുന്‍പേ "ഖസാക്കിന്റെ ഇതിഹാസം" നെഞ്ചിലേറ്റിയത് എന്നതു കൊണ്ട് അത് വായനയുടെ പരാജയമാണെന്ന് കണക്കാക്കാന്‍ പ്രയാസം.

    ഭഗത്തിന്റെ അര്‍ത്ഥം പച്ചയായി പറഞ്ഞു കൊടുത്താല്‍ ആ പറച്ചില്‍ തെറിയാവില്ല മനൂ. അത് കേള്‍ക്കുന്നയാള്‍ ഞെട്ടുകയുമില്ല.

    പി.എസ് : മലയാളം ബ്ലോഗില്‍ ആദ്യം തെറി എഴുതിയ ആള്‍ ഞാനാണെന്നാണ്‌ എന്റെ വിശ്വാസം. :)

    മറുപടിഇല്ലാതാക്കൂ
  30. കണ്ണൂസ് ആദ്യം പറഞ്ഞത് വാക്കുകളെക്കുറിച്ചുതന്നെയാണ്.ഇപ്പോള്‍ അനുഭവത്തേക്കുറിച്ചും.ശരിക്കും വായനക്കാരന് ഞെട്ടലാണ് കവിത സമ്മാനിക്കുന്നതെങ്കില്‍ കവിത വിജയിച്ചു എന്നു ഞാന്‍ പറയും.മുകളില്‍ ബൌ ബൌ കാണിച്ചതുപോലെയുള്ള പോസ്റ്റ് വായിച്ച ഒരനുഭവമാണ് “ഈച്ച“ തരുന്നതെങ്കില്‍
    ഞാന്‍ തല താഴ്ത്തുന്നു.

    പിന്നെ കണ്ണൂസ്സേ “പക്ഷേ യോനി പിളര്‍ത്തി വെച്ചിരിക്കുന്നു എന്നത്“ ഒരു സത്യമാണ്.ഒരു സ്ത്രീക്കുമാത്രം ചെയ്യേണ്ടിവരുന്ന ഒരു കഥാര്‍സിസ് ആണത്.അവളാണ് അനിവാര്യമായ ചില സാഹചര്യത്തിന്റെ തീച്ചൂളകളിലൂടെ കടക്കുമ്പോള്‍ നാണമെന്ന ഈച്ചയെ ആദ്യം കൊല്ലുന്നത്.പുരുഷന്‍ പുഴു,അവനെ നാണം കെടുത്താന്‍ കുറെ പുഴുക്കള്‍ കറങ്ങിനടപ്പുണ്ട്.നാണം കെട്ടു എന്ന് തലതാഴ്ത്തിനടക്കാന്‍ തീട്ടത്തെപ്പോലെ അവന്റെ തലയെടുപ്പും.

    മറുപടിഇല്ലാതാക്കൂ