23/12/07

രാജ്യം

ഇന്ത്യയല്ല,
പാകിസ്ഥാനല്ല
എന്റെ രാജ്യം.

ബ്രിട്ടനല്ല,
അമേരിക്കയല്ല
എന്റെ രാജ്യം

കിഴക്കെന്നും
പടിഞ്ഞാറെന്നും
എന്റെ രാജ്യത്തി-
നില്ല വേലികള്‍.

എന്റെ രാജ്യമേ
എന്നു വസുന്ധരേ
നിന്നെ നോക്കി
ഞാനിന്നു വിളിച്ചിടും.

നിന്റെ മാറു പിളര്‍ന്ന
കാലുഷ്യമെന്റെയല്ല
എന്നു വിധിച്ചിടും.

തുണ്ടു തുണ്ടായ്
നുറുക്കിയ
മാംസപിണ്ഡമായി
നീ ചിതറുമ്പൊഴും
നിന്റെയോരോ
കണത്തിലും
ചേതന ഒന്നുതന്നെ
എന്നറിയുന്നു ഞാന്‍.

5 അഭിപ്രായങ്ങൾ:

  1. അതെ, വസുന്ധര.
    തുണ്ടുതുണ്ടമായ അവളുടെ ഓരോ കണത്തിലും രാജ്യമെന്ന ഒറ്റ ചേതന!

    എന്റെ
    ക്രിസ്തുമസ് പുതുവത്സരാശംസകള്‍.

    മറുപടിഇല്ലാതാക്കൂ
  2. നല്ല വരികള്‍ സനാതനാ.
    ക്രിസ്തുമസ് ആശംസകള്‍.

    മറുപടിഇല്ലാതാക്കൂ
  3. നന്നായിരിക്കുന്നു സനാതനന്‍.... :)

    മറുപടിഇല്ലാതാക്കൂ