13/1/08

മായ

നില്‍ക്കുന്നേടത്തു നില്‍ക്കുമ്പോള്‍
ഞാനുണ്ടെന്നൊരുതോന്നല്‍
എന്റെ കാല്‍ക്കീഴിലൊരു മണ്‍‌തരി
അതിന്മേല്‍ എന്റെ ഭാരങ്ങള്‍.
പാപങ്ങള്‍ നഖങ്ങളും
പുണ്യങ്ങള്‍ തൂവലുമായ
ഒരു മുള്‍മരമാണു ഞാന്‍

നില്‍ക്കുന്നേടത്തു നില്‍ക്കാത്തപ്പോള്‍
ഞാനുണ്ടോ എന്നൊരു തോന്നല്‍
എന്റെ കാല്‍ക്കിഴിലില്ലൊരു നിഴല്‍
ആകാശത്തു ജെറ്റ് വിമാനം വരച്ച
വെളുത്ത വരമ്പു പോലെ
ഉള്ളതോ ഇല്ലാത്തതോ
എന്നറിയുംമുമ്പ്
മാഞ്ഞു മാഞ്ഞുപോകുന്നൊരു
വേഗതയാണു ഞാന്‍.

11 അഭിപ്രായങ്ങൾ:

  1. ഞാനുണ്ടോ...
    തോന്നലായിരിക്കാം

    കവിത നന്നായി

    നന്മകള്‍

    മറുപടിഇല്ലാതാക്കൂ
  2. ഞാനുണ്ടോ ഇല്യോ?
    അസംബന്ധമാണ് ജീവിതം-ഉണ്ടെന്നും ഇല്ലെന്നും ഒരേസമയം പറയാവുന്നത്

    മറുപടിഇല്ലാതാക്കൂ
  3. ഉണ്ടോ ഇല്ലയോ എന്നറിഞ്ഞ്‌ വരുമ്പോള്‍ ഇല്ലാതായിരിക്കും

    മറുപടിഇല്ലാതാക്കൂ
  4. നില്‍ക്കേണ്ടിടത്ത്‌ നില്‍ക്കുമ്പോല്‍ ഉണ്ടായ മുള്‍മരമെന്ന തിരിച്ചറിവ്‌ അതു തന്നെയാണ്‌ വേണ്ടത്‌ സനാതനാ...
    ഞാനിലൂടെ സമൂഹത്തെ സംബൊധന ചെയ്യുന്ന ഈ എഴുത്തു രീതി എനിക്കു ഇഷ്ടമാണ്‌ പണ്ടേ, ബഷീര്‍ കഥകളോടുള്ള എന്റെ ഇഷ്ട കാരണവും അതാണ്‌

    മറുപടിഇല്ലാതാക്കൂ
  5. ജീവിക്കാന്‍ തുടങ്ങുമ്പോഴേക്കും അതില്ലതാകും ല്ലേ...

    നന്നായിരിക്കുന്നു.

    മറുപടിഇല്ലാതാക്കൂ
  6. ഉള്ളതോ ഇല്ലാത്തതോ
    എന്നറിയുംമുമ്പ്
    മാഞ്ഞു മാഞ്ഞുപോകുന്നൊരു
    വേഗതയാണു ഞാന്‍.

    നല്ല വരികള്‍.

    മറുപടിഇല്ലാതാക്കൂ
  7. ഞാനുണ്ടോ ഇതുഞാ‍നാണൊ എന്നൊക്കെയാലോചിച്ചുനോക്കിയൊരു മായാവിഭ്രമത്തില്‍പ്പെടുക..ചിലപ്പൊഴതൊരു രസമാണു.
    സനാതനനും ആ ‘സൂക്കേടു’നുണ്ടല്ലെ?:)

    മറുപടിഇല്ലാതാക്കൂ
  8. ഒരേ സമയം അസ്ഥിത്വദു:ഖവും രാഷ്ട്രീയവും കൊള്ളാം. നാടോടുമ്പോള്‍ നടുവേ അല്ല മുന്നില്‍ തന്നെ ഓടണമെന്നാണത്രേ.ആശയങ്ങളില്‍ ഉറച്ച് നില്‍ക്കുന്നത് പിന്തിരിപ്പനും.നമുക്ക് ജറ്റ് വിമാനത്തെപ്പോലെ കുതിക്കാം, ആകാശത്തെ തന്നെയും കീഴടക്കാം.
    വെളുത്ത വരമ്പു പോലെ
    ഉള്ളതോ ഇല്ലാത്തതോ
    എന്നറിയുംമുമ്പ്
    മാഞ്ഞു മാഞ്ഞുപോകുന്ന സുഖങ്ങളില്‍ നമുക്ക് നമ്മെ തന്നെ മറക്കാം, പിന്നെയല്ലെ വരാനിരിക്കുന്ന തലമുറ.അവര്‍ക്കുവേണ്ടി ഒന്നും ബാക്കി വെക്കേണ്ടതില്ല. ഞമ്മളും ബീവീം പിന്നൊരു തട്ടാനും എന്നാണ് പുതിയ മുദ്രാവാക്യം തന്നെ.

    മറുപടിഇല്ലാതാക്കൂ
  9. നില്‍ക്കേണ്ടിടത്തു നിന്ന് ഒന്നു രണ്ടു ചാണ്‍ മാറി നടന്നാലും.. ഞാനുണ്ട് എന്നതിനു തെളിവുണ്ടാവില്ലേ.. ഇടത്തിനെ സ്പേസ് മാത്രമായി.. യ്യോ.. ആലോചന മറ്റാര്‍ക്കെങ്കിലും വിട്ടു കൊടുക്കലാ നല്ലത്.

    മറുപടിഇല്ലാതാക്കൂ