23/1/08

സൂത്രച്ചരട്

എല്ലാം വെറും
കള്ളമാണെന്നേ
കണ്ണാടിയിലെ വെളിച്ചം.
വെള്ളമില്ല്ലാത്ത പുഴയില്‍
നീന്തുന്നവരുടെ വീമ്പ്.
മനസിലാക്കല്‍
എന്ന മത്സരപ്പരീക്ഷയിലെ
നാണംകെട്ട കോപ്പിയടി.
നൂറുശതമാനം വിജയമെന്ന
വാര്‍ത്താക്കുറിപ്പ്.

ആളെപ്പറ്റിക്കുന്ന ഈ
മന്ത്രവാദച്ചരടിന്
മം‌ഗല്യസൂത്രമെന്നല്ലാതെ
എന്തുപേരാണ്
യോജിക്കുക.

പക്ഷേ
ഈ സൂത്രപ്പണികൊണ്ട്
സ്വയം പറ്റിക്കുന്നവരുടെ
സ്ലേറ്റിലുമുണ്ടല്ലോ
നൂറില്‍ നൂറ്
അതെങ്ങനെ വരുന്നു
എന്നതാണ് അത്ഭുതം.

10 അഭിപ്രായങ്ങൾ:

  1. ആ ചരടിനു മംഗല്യ ചരടിനേക്കാള്‍ നീളമുണ്ട്. ഒരു മംഗല്യചരടുപൊട്ടിക്കാനുള്ള കരുത്തും.
    അതാകാനേ വഴിയുള്ളു.
    നൂറില്‍ നൂറല്ലേ, അല്ലാതെന്താകാന്‍.

    മറുപടിഇല്ലാതാക്കൂ
  2. എല്ലാം മായ....
    വെറുതെയാണന്നെ.



    നന്മകള്‍

    മറുപടിഇല്ലാതാക്കൂ
  3. സത്യം പറഞ്ഞതിന്‌, ന്നാ പിടിച്ചോ എന്റെ വക ഒരുമ്മ

    മറുപടിഇല്ലാതാക്കൂ
  4. അപ്പോ അങ്ങനെയാണ് കാര്യങ്ങള്‍. ബസ്സില്‍ കേറിയവര്‍ക്ക് ഇറങ്ങാന്‍, കേറാത്തവര്‍ക്ക് എങ്ങനെയെങ്കിലും കേറിയാ മതിയെന്നും.

    മറുപടിഇല്ലാതാക്കൂ
  5. മംഗല്ല്യ’സൂത്ര’ത്തിന്റെ കുളൂസ് പൊട്ടിച്ചല്ലേ? :)

    മറുപടിഇല്ലാതാക്കൂ
  6. അതു ശരി. അപ്പൊ അങ്ങനെയാണ് കാര്യങ്ങള്‍.

    മറുപടിഇല്ലാതാക്കൂ
  7. ഇപ്പോ എത്ര മാര്‍ക്ക് കിട്ടി .. :)

    മറുപടിഇല്ലാതാക്കൂ
  8. കുറച്ചീസം വായനയില്‍ ഒരിടവേള വന്നു..

    സൂത്രങ്ങള്‍ കവിതയില്‍ നടപ്പാകാതിരിക്കാന്‍ പ്രാര്‍ഥിക്കുന്നു..

    മറുപടിഇല്ലാതാക്കൂ
  9. അത് ഞാന്‍ പറഞ്ഞു തരാം,
    നേരില്‍ ബന്ധപ്പെട്ടാല്‍ മാത്രം കേട്ടോ..

    മനസിലാക്കല്‍
    എന്ന മത്സരപ്പരീക്ഷയിലെ
    നാണംകെട്ട കോപ്പിയടി

    ഇതെനിക്ക് പറഞ്ഞുതന്നാല്‍ മതി
    ദക്ഷിണയായിട്ട്...

    മറുപടിഇല്ലാതാക്കൂ