27/1/08

പൊരിക്ക

വാതിലിനു വെളിയില്‍
രണ്ടു ചെരുപ്പുകള്‍
കാത്തുകിടക്കുന്നു
പാവങ്ങള്‍ക്ക് എങ്ങോട്ടു
പോണമെങ്കിലും ഞാന്‍ വേണം
മുറിക്കുള്ളില്‍ കട്ടിലും
മേശയും കസേരയും ഒക്കെയുണ്ട്
ഇരുന്ന ഇരുപ്പില്‍ ഇരിക്കാനും
കിടന്ന കിടപ്പില്‍ കിടക്കാനും
മാത്രമേ കഴിയൂ
വല്ലപ്പോഴും ഞാന്‍
അങ്ങോട്ടും ഇങ്ങോട്ടുമൊക്കെ
മാറ്റിയിരുത്താറും കിടത്താറുമുണ്ട്
അലമാരക്കാണെങ്കില്‍
ഇടയ്ക്കൊക്കെ തുറന്നടയ്ക്കാവുന്ന
ഒരു അന്തരാര്‍ഥമുണ്ട്
ബെഡ്‌ഷീറ്റിനും തലയണയ്ക്കുമൊക്കെ
ഒന്നു ചുളിയുകയെങ്കിലും ചെയ്യാം
ജനാലക്ക് കാറ്റുമായി
ചില്ലറ അവിഹിതബന്ധമുണ്ട്
ഇങ്ങനെയൊക്കെയാണെങ്കിലും
പൂര്‍ണ അര്‍ഥത്തില്‍
ചലനശേഷിയുള്ള ഒന്നുമില്ലാത്ത
ഒരു മുറിയാണിത്
കാലം കിണഞ്ഞുശ്രമിച്ചിട്ടും
പൊറുത്തിട്ടില്ലാത്ത ഒന്ന്
പൊരിക്കയാവുമ്പോഴേ
പൊറുക്കാന്‍ സമ്മതിക്കാതെ ഞാന്‍
കുത്തിപ്പൊളിക്കുന്ന ഒന്ന്
എന്തിനെന്ന് ചോദിക്കരുത്
ചുമ്മാ ഒരു രസം.

9 അഭിപ്രായങ്ങൾ:

  1. കുത്തിപ്പൊളിക്കുന്ന ഒന്ന്
    നന്മകള്‍

    മറുപടിഇല്ലാതാക്കൂ
  2. ഏയ്‌ ഞാനും കൂടെ വന്നൊട്ടെ കുത്തിപ്പൊളിക്കാന്‍... ചുമ്മാ... ഒരു രസത്തിനു

    മറുപടിഇല്ലാതാക്കൂ
  3. നന്നായിട്ടുണ്ടു,പുതുമയുടെ ഇളം ചൂട്‌

    മറുപടിഇല്ലാതാക്കൂ
  4. നന്നായിട്ടുണ്ട്.... ഭാവുകങ്ങള്‍

    മറുപടിഇല്ലാതാക്കൂ
  5. ജനാലകള്‍ അടച്ചിടൂ. ചലനസ്വാതന്ത്ര്യമുള്ള മുറികള്‍ സ്വസ്ഥത കെടുത്തും.

    എന്നിട്ട്

    മുഴിഞ്ഞ
    വിരസമായ
    വിയര്‍ത്തുനാറുന്ന
    വായുവില്‍

    നമുക്കുമുന്നേ
    മുറികള്‍ മരിക്കണം.

    എങ്കിലല്ലേ നാം പുരുഷന്മാരാവൂ.

    മറുപടിഇല്ലാതാക്കൂ
  6. മുറിയ്ക്കുപുറത്തുപോയൊന്നു
    കറങ്ങിവരാനുള്ള
    ഭാഗ്യം..
    മുറിയ്ക്കുള്ളിലുള്ളവയ്ക്കില്ലാത്ത
    ഭാഗ്യം..

    മറുപടിഇല്ലാതാക്കൂ
  7. ജനാലക്ക് കാറ്റുമായി
    ചില്ലറ അവിഹിതബന്ധമുണ്ട്

    ഈ വരികള്‍ ഏറെ ഇഷ്ടമായി

    മറുപടിഇല്ലാതാക്കൂ
  8. പൂര്ണ്ണമായും ജഢമെന്നു കരുതാമോ? ആ മുറിയില് എന്തൊക്കെയോ ഞാന് സെന്സ് ചെയ്യുന്നു... എന്റെ മാത്രം തോന്നലാണോ?

    മറുപടിഇല്ലാതാക്കൂ
  9. പൊറുത്തിട്ടില്ലാത്ത ഒന്ന്
    പൊരിക്കയാവുമ്പോഴേ
    പൊറുക്കാന്‍ സമ്മതിക്കാതെ ഞാന്‍
    കുത്തിപ്പൊളിക്കുന്ന ഒന്ന്
    എന്തിനെന്ന് ചോദിക്കരുത്
    ചുമ്മാ ഒരു രസം.

    ഇതെനിക്ക് അത്രയ്ക്ക് മനസ്സിലായില്ലലോ...ശോ

    മറുപടിഇല്ലാതാക്കൂ