31/1/08

പരിശീലനക്യാമ്പില്‍....

പച്ചക്കറി നുറുക്കുന്നതിനുള്ള
പരിശീലനക്യാമ്പില്‍ വച്ചാണ്
ഞങ്ങള്‍ കണ്ടുമുട്ടുന്നത്
മുനയും മൂര്‍ച്ചയും കണ്ട്
എനിക്കു വല്ലാതെയങ്ങ്
ഇഷ്ടപ്പെട്ടുപോയി.

ഒരു ചെറിയ കാബേജ്
നാലായി മുറിച്ചുവച്ചാലും
ചോരകഴുകി
ഡിസ്‌പ്ലേ ചെയ്ത
തലച്ചോറുപോലെയിരിക്കും.

കോടതികളില്‍
തലയെടുപ്പുള്ള
തൊണ്ടിമുതലാവാനും
അടുക്കളകളില്‍
വിരലു കണ്ടിക്കുന്ന
ഫെമിനിസമാകാനും
യോഗ്യതയുള്ള ഉഭയലിം‌ഗത്തെ
പ്രണയിച്ചുപോയി
ഒറ്റനോട്ടത്തില്‍ത്തന്നെ.

13 അഭിപ്രായങ്ങൾ:

  1. കവിതകളിലൂടെ ഇങ്ങനെ ഞെട്ടിക്കാന്‍ തന്നെ തീരുമാനിച്ചു അല്ലേ..

    മറുപടിഇല്ലാതാക്കൂ
  2. പണ്ട്‌ പെന്‍സിലാണന്ന്‌ പറഞ്ഞ്‌ എനിക്കും കിട്ടി ഒരെണ്ണം അന്ന്‌ ചിത്രം വരക്കാതിരുന്നത്‌ നന്നായെന്ന്‌ ഇന്ന് തോന്നുന്നു...

    നന്മകള്‍

    മറുപടിഇല്ലാതാക്കൂ
  3. കവിത ഇഷ്ടമായി...അഭിനന്ദനങ്ങള്‍...

    മറുപടിഇല്ലാതാക്കൂ
  4. മുനയുംമൂര്‍ച്ചയും-അതു കവിതയിലേയ്ക്കുമാവാഹിച്ചല്ലൊ.

    'display'എന്നവാക്കു എങ്ങിനെ ശരിയ്ക്കു ടൈപ്പ്ചെയ്യാമെന്നു നോക്കുകയായിരുന്നു..
    ‘ഡിസ്പ്-ളേ’എന്നെഴുതിയിട്ടു ആ ഇടവരയൊന്നു മാറ്റിനോക്കു.

    മറുപടിഇല്ലാതാക്കൂ
  5. പച്ചക്കറി നുറുക്കുന്നതിനുള്ള
    പരിശീലനക്യാമ്പോ?

    അതു കൊള്ളാം.

    മറുപടിഇല്ലാതാക്കൂ
  6. ഉം, കവിത അവിടെ നിക്കട്ടെ, കാബേജിനെ ഇങ്ങനൊക്കെ പറഞ്ഞാല്‍ ഇനീപ്പോ എങ്ങനാ ഉപ്പേരി വെയ്ക്കുക.

    പ്രതിഷേധിക്കുന്നു

    മറുപടിഇല്ലാതാക്കൂ
  7. സനലേ നിങ്ങളുടെ ചിന്തകള്‍ പോവുന്ന വഴി കണ്ട് അന്തം വിട്ടിരിക്കുന്നു.

    മറുപടിഇല്ലാതാക്കൂ
  8. അതെ,കവിത ഒറ്റ നോട്ടത്തില്‍ത്തന്നെ ഇഷ്ടപ്പെട്ടുപോയി:)

    മറുപടിഇല്ലാതാക്കൂ
  9. ദേ ഈ മനുഷ്യന്‍ ആരെയോ കത്തി എന്നും ഉഭയ** (ച്ഛായ്...) എന്നും വിളിച്ചിരിക്കുന്നു. ഓടിവരൂ....





    ************

    ഇഷ്ടപ്പെട്ടുപോയി !

    മറുപടിഇല്ലാതാക്കൂ
  10. ഒരു ചെറിയ കാബേജ്
    നാലായി മുറിച്ചുവച്ചാലും
    ചോരകഴുകി
    ഡിസ്‌പ്ലേ ചെയ്ത
    തലച്ചോറുപോലെയിരിക്കും.

    നന്നായിട്ടുണ്ട്...

    മറുപടിഇല്ലാതാക്കൂ