17/7/08

കഴുതകളും കുതിരകളും

കഴുതകളും
കുതിരകളും തമ്മിൽ
തർക്കത്തോടുതർക്കം

കഴുതകളോടുള്ള
ആദ‌മ്യമായ ഈർഷ്യകൊണ്ട്
കുതിരകൾ കഴുതകളെ
മുഖത്തുനോക്കി
കഴുതകളേ..കഴുതകളേ
എന്ന് വിളിച്ചു

അഗാധമായ
വംശസ്നേഹം കൊണ്ട്
കഴുതകൾ നെഞ്ചുവിരിച്ച്
ഞങ്ങൾ കഴുതകളാണ്
കഴുതകളാണ്
എന്ന് ഘോഷിച്ചു

എന്നാൽ പിന്നെ എന്താണ്
പ്രശ്നമെന്ന് ചില കോവർകഴുതകൾ
മൂക്കത്ത് വിരൽ‌വച്ച് നിന്നു...

ഒരേ സമയം കഴുതകളുടേയും
കുതിരകളുടേയും ഭാഷ
അവർക്ക് മാത്രമല്ലേ പക്ഷേ
അറിയുമായിരുന്നുള്ളു!

13 അഭിപ്രായങ്ങൾ:

  1. :)

    -ഒരു കോവര്‍ക്കഴുത (ഒരേ ഒരു സെന്‍സില്‍ മാത്രം :) )

    മറുപടിഇല്ലാതാക്കൂ
  2. കവിത ഇഷ്ടപ്പെട്ടു

    - എന്ന് കഴുതകളുടെയും കുതിരകളുടെയും ഭാഷ അറിയാത്ത ഒരു (പാവം) മനുഷ്യന്‍

    മറുപടിഇല്ലാതാക്കൂ
  3. കുതിരകളും കഴുതകളും തമ്മിലെന്ത്?

    മറുപടിഇല്ലാതാക്കൂ
  4. “എല്ലാ കുതിരകളും കഴുതകളാണെന്ന് “
    അവള്‍ പറഞ്ഞാല്‍....
    ഞാനെന്തു പറയാനാ....

    മറുപടിഇല്ലാതാക്കൂ
  5. ഹയ്യോ ...അതു കൊള്ളാം.,
    :)
    ദൈവത്തിന്റെ വികൃതികളേ... !

    മറുപടിഇല്ലാതാക്കൂ
  6. സനാതനാ,
    കവിതയുടേ ലേബല്‍ തകര്‍ത്തു: കോവര്‍ കവിത..... :)

    കുതിരകള്‍ക്ക് കഴുതകളായി നടക്കേണ്ടിവരുമെന്ന് പണ്ടേ പറഞ്ഞിരുന്നതിനാല്‍, കഴുതകള്‍ക്ക് കുതിരകളായും നടക്കേണ്ടിവന്നിരിക്കാം. കഴുതകള്‍ക്കും കുതിരകള്‍ക്കും പരസ്പരം ഭാഷ, അതിനാല്‍ത്തന്നെ ഇടയ്ക്കൊക്കെ മനസ്സിലാവുന്നുണ്ടാവാം. തര്‍ക്കം അതു തന്നെയാവും.

    മറുപടിഇല്ലാതാക്കൂ
  7. കവിയുടെ പക്ഷം ഏതെന്നത് ഒരു വിഷയമല്ല :)
    പക്ഷേ കവിതയുടെ പക്ഷം ഏതെന്നത് പല കുറി വായിച്ചിട്ടും തിരിഞ്ഞില്ല. :(

    മറുപടിഇല്ലാതാക്കൂ
  8. സുനീഷേ,കവിതയുടെ ലേബലിൽ തന്നെയില്ലേ അതെവിടേയാണെന്ന്...ഇതിലപ്പുറം ഞാനെന്തു പറയും സുനീഷേ :(

    മറുപടിഇല്ലാതാക്കൂ
  9. വായിച്ചു വായിച്ചു....
    കഴുതകള്‍ കുതിരകളുമായി
    ഇണ ചേരുമ്പോള്‍???

    മറുപടിഇല്ലാതാക്കൂ