7/2/09

ഒരു വഴിയുടെ കഥ (കഴിഞ്ഞു)


വീട് വഴിയിലേക്ക്
വായതുറന്ന് കിടക്കുകയാണ്,
മാളത്തിലേക്ക് ചെന്നെത്തുന്ന ഒരു
പെരുമ്പാമ്പുപോലെ വഴി വീട്ടിനുള്ളിലേക്ക്
ഇഴഞ്ഞ് കടക്കുന്നു.
അടുക്കളക്കാരി അടുപ്പിൽ തിളച്ചവെള്ളവും
കയ്യിൽ കറിക്കത്തിയുമായി
ഒരു വഴിപാർത്തിരിക്കുന്നു.
വഴി വന്നപാടേ പഴയപാത്രങ്ങളിൽ
തലയിട്ടു മണത്തു നോക്കുന്നു
അവൾ തക്കത്തിനതിന്റെ തലകണ്ടിക്കുന്നു
തോലുരിച്ച വഴിയെ കറിക്കത്തിക്കരിയുന്നു
വഴിക്കറിമണം വരുന്നു
ഒരു കരിമൂർഖൻ മാളത്തിലേക്കെന്നപോലെ
എന്റെ മൂക്കിലേക്ക്

11 അഭിപ്രായങ്ങൾ:

  1. ഒരു വഴിക്കുപോകുമ്പം സൂക്ഷിക്കണമെന്ന് ചുരുക്കം, ആരെങ്കിലും പാര്‍ത്തിരിക്കുന്ന വഴിയാണെങ്കില്‍ ഒരു വഴിയായിക്കിട്ടും.

    മറുപടിഇല്ലാതാക്കൂ
  2. super!!

    (`vijayatthinte munnil thala uyartthi pidichcha paraajaya' tthinte chitram manasil ninnu pookunnilla. athu pole ii vazhiyariyunna karikkatthiyum manasil ninnu mayumennu thonnunnilla. valare nandi)

    മറുപടിഇല്ലാതാക്കൂ
  3. ഇഴഞ്ഞെത്താനൊരു മാളമോ,
    ഇഴഞ്ഞെത്തിയാൽ പഴയ പാത്രങ്ങളിൽ
    പഴയ സ്വപനങ്ങളുടെ മണമോ കണ്ടെത്തണമേന്നില്ല.

    പുതിയ അടുക്കളക്കാരികൾ,
    പഴയ സ്വപനങ്ങളന്വേഷിച്ചു
    പഴയ പാത്രങ്ങളിൽ തലയിടുന്നവരെ
    പുതിയ കറിക്കത്തിയുമായി
    അറുത്തെടുക്കുന്നു.....

    പഴയ മൂക്കുമാളങ്ങളിലേയ്ക്ക്‌
    കരിമൂർഖന്മാരിഴഞ്ഞെത്തുന്നു....

    മറുപടിഇല്ലാതാക്കൂ
  4. അങ്ങനെയാണ് പൊരുമ്പാമ്പ് കരിമൂര്‍ഖനായത്,,

    :)

    മറുപടിഇല്ലാതാക്കൂ
  5. വഴിയെ കറിയാക്കുന്ന ജാലം? അപാരം!

    മറുപടിഇല്ലാതാക്കൂ