20/8/09

സർക്കുലർ

ഓണച്ചന്തയിൽ
ഒരു തമിഴൻ വാഴയ്ക്കാ
നാടൻ വെള്ളരിപ്പിഞ്ചിനെ
തുണിപൊക്കിക്കാണിച്ചു.
അന്തിച്ചുപോയ
വെള്ളരിപ്പിഞ്ച്
വെള്ളരിക്കാപ്പട്ടണം പോലീസ് സ്റ്റേഷനിൽ
സ്ത്രീപീഢനത്തിന്
കേസ്കൊടുത്തു.
പ്രായപൂർത്തിയാകാത്ത വെള്ളരിപ്പെണ്ണിനോട്
അസഭ്യമായി പെരുമാറിയതിന്
വെള്ളരിക്കാപ്പട്ടണം
പോലീസ്
തമിഴൻ വാഴയ്ക്കായെ
അറസ്റ്റ് ചെയ്ത്
ലോക്കപ്പിലിട്ട്
കുനിച്ച് നിർത്തി
കൂമ്പിനിടിച്ചു.
ഇടിയൊരു സംഭവമായി
സംഭവം വാർത്തയായി,
വാർത്ത വഴക്കായി
വഴക്ക് വക്കാണമായി
ആകെ കുഴപ്പമായി
തമിഴൻ വാഴക്കകൾ
പ്രതിഷേധപ്രകടനം നടത്തി
വർഗസ്നേഹികളായ
വാഴക്കാ അസോസിയേഷൻ
അടിയന്തിരയോഗം കൂടി
ഓണച്ചന്തകൾ ബഹിഷ്കരിക്കാൻ
ആഹ്വാനമായി
ചന്തകൾ സ്വാഹയായി.
നഷ്ടം കൊണ്ട് കഷ്ടപ്പെട്ട
ഓണച്ചന്ത ഭാരവാഹികൾ
വെള്ളരിക്കാ പിഞ്ചിനെയങ്ങ്
പിരിച്ചുവിട്ടു.
പ്രശ്നം പരിഹാരമായി..
ഓണം കഴിയുന്നതുവരെയെങ്കിലും
അടങ്ങി ഒതുങ്ങിക്കഴിഞ്ഞോണമെന്ന്
വെള്ളരിക്കാപ്പിഞ്ചുകൾക്ക്
സർക്കുലറുണ്ടായി...

6 അഭിപ്രായങ്ങൾ:

  1. ഈ കുനിച്ചു ന്ര്‍ത്തി കൂമ്പിനു ഇടിക്കുന്ന വിദ്യ എനിക്കറിയണം. ഞാനൊക്കെ പണ്ട് കുനിച്ചു നിര്‍ത്തി മുതുകിനാണ് ഇടിച്ചിട്ടുള്ളത്. എന്തായാലും ഓണം കഴിയുന്നത്‌ വരെ വാഴക്കകളുടെ പുഷ്കല കാലം. അത് കഴിഞ്ഞാല്‍ വീണ്ടും വെള്ളരി-വാഴക്കാ വക്കാണം..............
    സര്‍ക്കുലകള്‍ പുലി തന്നെ പിള്ളേ...

    മറുപടിഇല്ലാതാക്കൂ
  2. :)

    മുന്നറിയിപ്പ്‌, സര്‍ക്കുലര്‍, അടുത്തത്‌ പിങ്ക്‌ സ്ലിപ്പാണോ?

    മറുപടിഇല്ലാതാക്കൂ
  3. തമിഴനായാലും വാഴക്കയ്കൊപ്പം നില്‍ക്കുമോ വെള്ളരിപിഞ്ച്‌. കൊഴുക്കട്ടെ ഓണച്ചന്ത.ഓണത്തെ തകര്‍ക്കാന്‍ ആരേയും അനുവദിക്കുന്നതല്ല. വാഴക്കയ്ക്‌ സര്‍വപിന്തുണയും അര്‍പ്പിച്ചുകൊണ്ട്‌ വരുന്നുണ്ട്‌ ഒരു പ്രസ്താവന, ദേശത്തെ ബുജികള്‍ ഒപ്പിട്ടത്‌.

    മറുപടിഇല്ലാതാക്കൂ
  4. തരക്കേടില്ല..
    വാഴക്ക..
    വെള്ളരിക്ക.. പിഞ്ച്..

    മറുപടിഇല്ലാതാക്കൂ