7/9/09

എനിക്ക് വയ്യ.

വേണമെങ്കിൽ എണീറ്റ്
അടുക്കളയിൽ പോയിരിക്കാം
പച്ചക്കറിയരിഞ്ഞോ
പാത്രം കഴുകിയോ
ഉപ്പുനോക്കിയോ
അവളെ സഹായിക്കാം

വേണമെങ്കിൽ
അമ്പിളിയമ്മാവനെത്താ‍ാ‍ാ‍ാന്ന്
കൈകവച്ച്
വലിയവായിൽ നിലവിളിക്കുന്ന
ഇളയകുഞ്ഞിനെ എടുത്ത്
മുറ്റത്ത് നടക്കുകയോ
തോളിലേറ്റി കൊക്കാമ്മണ്ടി
കളിക്കുകയോ ചെയ്ത്
അതിന്റെ കരച്ചിലാറ്റാം

വേണമെങ്കിൽ
കല്ലുന്തിനിൽക്കുന്ന ഇടവഴിയേ
കുടിച്ച് കൂ‍ത്താടിയാടി
തപ്പിത്തപ്പിപ്പോകുന്ന
വല്യച്ചന്റെ കൈപിടിച്ച്
വീഴാതെ വീട്ടിൽ കൊണ്ടുചെന്നാക്കാം
അയാളുടെ പല്ലുപോകാതെ കാക്കാം

വേണമെങ്കിൽ
അപ്പുറത്ത് ഒറ്റയ്ക്ക് കഴിയുന്ന വീട്ടിനെ
നിർത്താതെ കുരച്ച് പേടിപ്പിക്കുന്ന
ഇലയനക്കം ഇറങ്ങിനോക്കി
തിണ്ണയിൽ പാളിപ്പതുങ്ങുന്ന
മണ്ണെണ്ണവിളക്കിന്റെ
പേടിമാറ്റാം.

വേണമെങ്കിൽ
ചെന്നുപിടിക്കാൻ
അവിടെ..അല്ലെങ്കിൽ ഇവിടെ..
അല്ലെങ്കിൽ എവിടെയോ
ആരുടെയെങ്കിലുമോ
കൈകൾ നീണ്ടുനിൽക്കുന്നുണ്ടാവും
ആരും പിടിക്കാതെ
ആടിയാടി അന്തരീക്ഷത്തിൽ

വേണമെങ്കിൽ
ചെയ്യാൻ എന്തരെല്ലാം ഉണ്ട് അല്ലേ
പക്ഷേ വേണമണ്ടേ...!

11 അഭിപ്രായങ്ങൾ:

  1. വേണമെന്നുവച്ചാ ഈ കവിത വായിച്ചിട്ട് ഇതിനൊരു കമന്റിട്ടിട്ടു പോകാം.
    ഓ എനിക്കും ഇനി വയ്യ:)

    മറുപടിഇല്ലാതാക്കൂ
  2. yenikk veyya !


    പക്ഷെ അപ്പുറത്തെ വീടിന്റെ കാര്യം വിട്ടേക്ക്വാ നല്ലത്. ഒരു പീഡനക്കേസൊക്കെ വന്നാല്‍ എന്ത് മെനക്കേടാ

    മറുപടിഇല്ലാതാക്കൂ
  3. നിനച്ചാൽ നാൻ പുലിയെ പിടിപ്പേൻ,ആനാൽ നിനയ്ക്കമാട്ടേൻ എന്ന്,ല്ലേ:)

    മറുപടിഇല്ലാതാക്കൂ
  4. വയ്യ എഴുതാതിരിക്കാനെന്ന് തോന്നിയിട്ടുണ്ടോ?
    എങ്കിൽ എഴുത്തുകാരനായി. കൊള്ളാം കവിത എത്ര ലളിതമാണ്,ഒന്നും ഒളിപ്പിച്ചു വയ്ക്കനായിട്ടിലെങ്കിലും.

    മറുപടിഇല്ലാതാക്കൂ
  5. വേണമണം.
    വേണ്ടാ വേണ്ടാ എന്നു വെക്കും തോറും
    കമന്റ് ചെയ്യിക്കും കവിതകൾ...
    :)

    മറുപടിഇല്ലാതാക്കൂ
  6. "വേണമെങ്കിൽ
    ചെന്നുപിടിക്കാൻ
    എവിടെയോ
    ആരുടെയെങ്കിലുമോ
    കൈകൾ നീണ്ടുനിൽക്കുന്നുണ്ടാവും
    വേണമെങ്കിൽ
    ചെയ്യാൻ എന്തരെല്ലാം ഉണ്ട് അല്ലേ
    പക്ഷേ വേണമണ്ടേ...!"

    വാസ്തവം..!

    മറുപടിഇല്ലാതാക്കൂ
  7. അതൊന്നും വേണ്ടാത്തത്‌ കൊണ്ട്‌, കുത്തിയിരുന്ന്‌ ഈ കവിത കുറിച്ചു, അല്ലേ? ഈ കവികളുടെ ഒരു കാര്യം!

    മറുപടിഇല്ലാതാക്കൂ