14/3/10

മരിച്ചെങ്ങോട്ടു പോകും....

ഏതാണ്ടിങ്ങനെ തന്നെയാണ്
അവർ ജീവിച്ചിരുന്നത്,
എന്റെ അപ്പൂപ്പന്മാർ..
തിന്നും കുടിച്ചും
മദിച്ചും...

അവർ ബീഡിയും സിഗരറ്റും വലിച്ചുകാണും
പൊയില മുറുക്കാൻ ചവച്ചുകാണും
പനങ്കള്ളും പട്ടച്ചാരായവും കുടിച്ചുകാണും
ആണല്ലേ....
പെണ്ണുപിടിച്ചും കാണും
മിന്തി കെട്ടി പുറത്തിറങ്ങും മുൻപ്
കൂടെ കിടന്നവളെ
“പൊലയാടിച്ചി”
എന്ന് വിളിച്ചും കാണും

അവരെവിടെപ്പോയി...?
മരിച്ചുപോയി.

മരിച്ചെങ്ങോട്ടുപോയി?
..........

ഏതാണ്ടതുപോലെതന്നെയാണ്
ഞാനും ജീവിക്കുന്നത്
തിന്നും കുടിച്ചും
മദിച്ചും....
പട്ടച്ചാരായവും പനങ്കള്ളും കൊതിച്ചും
പൊയില ചവച്ചും
ബീഡിയും കഞ്ചാവും വലിച്ചും
പെണ്ണുപിടിച്ചും
പിടിവിട്ടാലുടൻ തേവിടിച്ചീന്ന് വിളിച്ചും..
ആണല്ലേ...

അവരെപ്പോലെ ഞാനും
മരിച്ചുപോകും
മരിച്ചെങ്ങോട്ടുപോകും...?
...................

ഉണരുമ്പോൾ മാത്രം ഉള്ളതെന്ന് തോന്നുന്ന
ഉപസ്ഥമേ പറ
നമ്മൾ മരിച്ചെങ്ങോട്ടുപോകും...!

8 അഭിപ്രായങ്ങൾ:

  1. മരിക്കുമ്പോള്‍ ചെകുത്താന്‍ കൊണ്ടുപോകും. തീര്‍ച്ച.

    ശരിക്കും ഒരു’ആണ്‍‘ കവിത.
    നല്ലത്.
    ആശംസകള്‍

    മറുപടിഇല്ലാതാക്കൂ
  2. അവരെപ്പോലെ ഞാനും
    മരിച്ചുപോകും
    മരിച്ചെങ്ങോട്ടുപോകും...?
    ശരിയാണല്ലോ എങ്ങോട്ട് പോകും..?
    കുഴയുമല്ലോ...?

    എന്തായിപ്പോ ചെയ്കാ...?

    മറുപടിഇല്ലാതാക്കൂ
  3. അതേയ്.,

    ഇതിനേക്കാള്‍ നല്ല അവസ്ഥയിലേയ്ക്ക് എന്നറിഞ്ഞാല്‍ വേഗം അവിടെ എത്തി
    ചേരാന്‍ നോക്കും.

    ഇതിലും മോശമെന്നറിഞ്ഞാലോ
    നൈരാശ്യം കൊണ്ടും അങ്ങോട്ടു തന്നെ പോകും

    അതല്ലേ പറഞ്ഞുതരാത്തത് ...

    മറുപടിഇല്ലാതാക്കൂ
  4. മരിച്ചുപോയി എന്ന സാധാരണവാക്കിനിടക്ക് ‘എങ്ങോട്ട്’കയറി നില്‍ക്കുമ്പോള്‍ വരുന്ന വ്യാപ്തി! ഇഷ്ടമായി കവിത:)

    മറുപടിഇല്ലാതാക്കൂ
  5. "ഉണരുമ്പോൾ മാത്രം ഉള്ളതെന്ന് തോന്നുന്ന
    ഉപസ്ഥമേ പറ
    നമ്മൾ മരിച്ചെങ്ങോട്ടുപോകും...!"

    അനുഗമനം....

    മറുപടിഇല്ലാതാക്കൂ
  6. വിടനായിരുന്നെന്റെ മുതുമുതുമുതു മുത്തശ്സന്‍ ആണായിരുന്നെങ്കില്‍ ഞാനുമൊരു വിടനായേനെ എന്ന് ഞാന്‍ എന്ന കവിതയില്‍ k.g.s. ningal janichu jeevichu marichu, pakshe ningal cheitha adbhuthamenthu, ennu t.v.kochubaava. verukal thediyaanu yathra.

    മറുപടിഇല്ലാതാക്കൂ
  7. മരിച്ചു പോയവരാരും തിരിച്ച് വന്നു പറഞ്ഞില്ല
    മരിച്ചിട്ടവർ എങ്ങോട്ട് പോയെന്ന്
    പക്ഷെ ഒന്ന് ഉറപ്പാണ്
    മരിച്ച് പോവണം ഒരു നാൾ
    അതിനിടയിലീ‍ീ ജീവിതം
    അതെന്നറിയാതെ ഉഴലുന്ന ജന്മങ്ങൾ
    അറിയാൻ ശ്രമിയ്ക്കാതെ ഉഴപ്പുന്നവരും

    മറുപടിഇല്ലാതാക്കൂ