ആയിരം കടമ്പ - [സ്ക്രിപ്റ്റ്- സീൻ 3]



കോഴിക്കോട് ഠൗൺ- റോഡ്

ഓഫീസ് ബിൽഡിംഗിൽ നിന്നും തിരക്കിട്ടോടുന്ന നഗരത്തിലേക്ക്
ഇറങ്ങി നടക്കുന്ന ആദിയും  സാബിറും. ഇന്റർവ്യൂവിൽ ദയനീയമായി  
പരാജയപ്പെട്ടതിന്റെ വൈഷമ്യത്തിലാണ് ഇരുവരും. ഒരു കടലാസ്
തുണ്ടുതുണ്ടായി ചീന്തിക്കൊണ്ട് പറഞ്ഞു. 
                                                             സാബിർ:
        അവന്റെയൊക്കെ ഒരു ഊമ്പിയ ഇന്റർവ്യൂ
                                                                  ആദി:
         വെറുതെ സമയം വേസ്റ്റാക്കി..
                                                              സാബിർ:
       നിനക്ക് വല്ല മാവോയിസ്റ്റുകളെയും പരിചയമുണ്ടോ?
                                                                       ആദി:
                                                                               എന്തിനാ?

                                                         സാബിർ:
      ഇവനെയൊക്കെ വെടിവെക്കണം.. വിപ്ലവം വന്നാലേ വല്ലതും ശരിയാവൂ.
ഞെട്ടലോടെ ആദി അവനെയൊന്നു നോക്കി. സാബിർ
ചീന്തിയ കടലാസ് ആകശത്തേക്കെറിഞ്ഞു. ആദിയുടെ
ഫോൺ ശബ്ദിക്കുന്നു. അവൻ ഫോണെടുത്തു.                                                                       
                                                                    ആദി:
     ഹലോ അമ്മാ...

കട്ട്
സീൻ-3എ

തിരുവനന്തപുരത്ത് ഒരു നാട്ടിൻ പുറം

തൊഴിലുറപ്പു പദ്ധതിയിൽ സ്ത്രീകളുടെ ഒരു കൂട്ടം
പണിയെടുക്കുന്നു. അക്കൂട്ടത്തിലൊരാൾ മാറിയിരുന്ന് 
സംസാരിക്കുന്നു.ദേഹമാസകലം പൊടിയും വിയർപ്പും. 
തലയിൽ ഒരു ചെളിപുരണ്ട തോർത്തുമുണ്ട് കെട്ടിയിരിക്കുന്നു.
 
                                                                അമ്മ:
      കഴിഞ്ഞോ മോനേ..
                                             ആദിയുടെ ശബ്ദം:
      ആ ഇപ്പോ കഴിഞ്ഞിറങ്ങിയതേയുള്ളമ്മാ..
                                                          അമ്മ:
      കിട്ടുമോ...

കട്ട് റ്റു

സീൻ-3 ബി
ഠൗൺ-ഫുട് പാത്ത്

ഫോണും പിടിച്ച് ഫുട് പാത്തിലൂടെ നടക്കുന്ന ആദി 

                                                     ആദി:
    പിന്നേ ഒറപ്പായിട്ടും കിട്ടും അമ്മാ എല്ലാം അടിപൊളിയായിരുന്നു... 
     എന്നെ എല്ലാവർക്കും ഭയങ്കര ഇഷ്ടമായി.. എന്നാലും ഓർഡർ 
     കയ്യിൽ കിട്ടാൻ കുറച്ചു സമയമെടുക്കുമെന്ന് പറഞ്ഞു.

ആദിയുടെ പൊള്ളവർത്തമാനം കേട്ട് സാബിറിന്റെ 
മുഖത്ത് ഒരു ചിരി വിരിയുന്നുണ്ട്. അവൻ തന്റെ
മൊബൈൽ എടുത്തു വെറുതേ കാൾ ലിസ്റ്റ്
പരിശോധിക്കുന്നു. 
             
                                            അമ്മയുടെ ശബ്ദം:      
   കഴിഞ്ഞ തവണത്തെപ്പോലെ അവസാന നിമിഷം വേറെ 
   ആർക്കെങ്കിലും  കൊടുക്കുമോ അവര്..
                                                             ആദി:
  ഏയ്.... ഇത്തവണ ഒറപ്പാ.. ഒരു പേടീം വേണ്ട..

കട്ട് റ്റു
സീൻ-3സി
നാട്ടിൻ പുറം

അമ്മയുടെ മുഖത്ത് ഒരു ചിരി വിടർന്നു. മറുവശത്തു നിന്നുള്ള 
സുഖിപ്പിക്കൽ സംസാരം അവരുടെ മുഖത്ത് കാണാം. 
സന്തോഷത്തോടെ അവർ ഫോൺ വെച്ചു കൊണ്ട് 
ആകാശത്തേക്ക് നോക്കി പ്രാർത്ഥിച്ചു.
                                                          അമ്മ:
    എന്റെ ആറ്റുകാലമ്മാ തടസങ്ങളില്ലാതെ  കാത്തോണേ..  
    അടുത്ത പൊങ്കാലക്ക് നിനക്ക് നൂറ്റൊന്ന് കലത്തിൽ  പൊങ്കാല..                            
മൺവെട്ടിയിലെ മണ്ണ് കളഞ്ഞുകൊണ്ടിരുന്ന മേരി
ചോദിച്ചു.
                                                                മേരി: 
   മോന് ജോലി കിട്ടിയോ ചേച്ചിയേയ്..
കാൽമുട്ടുകളിൽ കൈ താങ്ങി എണീറ്റുകൊണ്ട് അമ്മ:
ഓഡർ കയ്യിൽ കിട്ടീല്ല മേരീ. ബാക്കിയെല്ലാം 
ശരിയായെന്നാ പറഞ്ഞേ.....
                                                        മേേരി:
എന്നാ കുരിശടിയില് ഒരു മെഴുകുതിരീം കൂടി നേർന്നേരെ ചേച്ചി.. എല്ല്ലാം ശരിയാവും..


കട്ട് റ്റു