15/1/10

അയൽ‌വീട്ടിലേക്കുള്ള വഴികൾ

എല്ലാവഴികളും ഉള്ളിലേക്ക് വലിച്ചു ചുരുട്ടി
ഞങ്ങൾ വാതിലടച്ചു.
ഇനിയിങ്ങോട്ടാരും വരണ്ട
ഞങ്ങളെങ്ങോട്ടും പോകുന്നുമില്ല.
ഉള്ളിലിപ്പോൾ ഞങ്ങൾ,
ഞാനും എന്റെ ഭാര്യയും
ഞങ്ങളുടെ മക്കളും
ഓരോരുത്തരുടെ വഴികളും മാത്രമായി.
കടലിൽനിന്ന് മടങ്ങിവന്ന വള്ളത്തിലെന്നപോലെ
ഒരു വീട് നിറയെ വഴികൾ
ചുറ്റിപ്പിണഞ്ഞ് കുരുക്കുവലപോലെ കിടക്കുന്നു.
ഒരൊറ്റ വാതിലിലൂടെ
ഇത്രയധികം വഴികൾ വലനെയ്തതോർത്ത്
കണ്ണ് തുറിച്ച് നോക്കുമ്പോഴുണ്ട്
കണ്ണികളിൽ പറ്റിപ്പിടിച്ചിരിക്കുന്നു
അയൽവീടുകൾ,
പിടയ്ക്കുന്നു ജനാലകളിൽ വെട്ടം.
എന്തതിശയമേ!
ഉള്ളിലേക്ക് നോക്കുമ്പോഴതാ അവരും
വഴികൾ കുടഞ്ഞ് പെറുക്കുകയാണ്
അതിൽ പറ്റിപ്പിടിച്ചിരിക്കുന്നു ഞങ്ങളുടെയും വീട്.

9 അഭിപ്രായങ്ങൾ:

  1. :-) കൊള്ളാം.നല്ല ആശയം.....നല്ല വരികൾ.

    മറുപടിഇല്ലാതാക്കൂ
  2. ഏകന്തത ഉല്‍സവമാക്കാന്‍ കൊട്ടിയടച്ച വഴികള്‍ കണ്ടു..വേറിട്ട വഴികളില്‍ കൂടെയുള്ള മറ്റൊരു സനാതനന്‍ കവിത..നന്നായി..താങ്കള്‍ ശരിക്കും കവി തന്നെ..അവര്‍ക്കെ ഇങ്ങനെ വഴികള്‍ അടച്ചിടാന്‍ കഴിയുകയുള്ളൂ

    മറുപടിഇല്ലാതാക്കൂ
  3. വഴികളെ വലിച്ചു ചുരുട്ടി എടുത്തപ്പോള്‍ തെറിച്ചു പോയവര്‍ മറ്റൊരു ചുരുട്ടലിലൂടെ നമ്മളെയും തെറിപ്പിക്കും. അങ്ങനെ വഴികളില്ലാത്ത പരസ്പര കണ്ടുമുട്ടലുകളില്ലാത്ത ഏകാന്തയുടെ ദ്വീപുകളായ് നാം മാറും!

    പുതിയ ചിന്തകളുടെ വഴി വെട്ടുകയും അതേ സമയം അതിനെ ചുരുട്ടിയെടുക്കാന്‍ വ്യഗ്രത കാട്ടുകയും ചെയ്യുന്ന കവിയ്ക്ക് അഭിനന്ദനങ്ങള്‍.

    മറുപടിഇല്ലാതാക്കൂ
  4. ഞാനും ഇത്തിരെ നേരം ഒറ്റക്കിരിക്കട്ടെ!!

    മറുപടിഇല്ലാതാക്കൂ
  5. ആദ്യമായിട്ടാണിവിടെ വരുന്നത് .നന്നായിരിക്കുന്നു

    മറുപടിഇല്ലാതാക്കൂ
  6. ആദ്യമായിട്ടാണിവിടെ വരുന്നത് .നന്നായിരിക്കുന്നു

    മറുപടിഇല്ലാതാക്കൂ