3/12/07

കഴുമരം

കഴുമരത്തിന്
എത്ര ഭൂമിശാസ്ത്രം
സസ്യ വിജ്ഞാന കോശം,
ആവാസ വ്യവസ്ഥകള്‍!

കഴുമരത്തിന്
എത്ര കിളരം
എത്ര കവരം
എത്രയെത്ര
തണലും തണുപ്പും !

കഴുമരത്തില്‍ ‍
കൂടുകൂട്ടിയതെത്ര
കാക്കകള്‍ , ‍
കൂട്ടില്‍ മുട്ടയിട്ടു
കൂകിവിരിഞ്ഞതെത്ര
കുയിലുകള്‍ !

കഴുമരത്തിന്‍
ചുവട്ടിലുറങ്ങി-
ത്തോറ്റതെത്ര ‍
മുയലുകള്‍, ‍
ഇഴഞ്ഞിഴഞ്ഞും
ജയിച്ചു കയറിയതെത്ര
ഉരഗങ്ങള്‍ !

കഴുമരത്തിന്‍‌കായ -
വീണ് ചത്തതെത്ര
സിംഹങ്ങള്‍ ,
കൊമ്പിലൂഞ്ഞാലില്‍ ‍
തൂങ്ങിയാടിയതെത്ര
പൊന്നോണം !

കഴുമരത്തിന്റെ
കഥ പാടിയെന്നെ
ഉറക്കിക്കിടത്തിയതെത്ര
കഴുവര്‍ടമക്കള്‍ ,
അവന്റെയൊക്കെ
അട്ടഹാസത്തില്‍
കഴുവേറി മരിച്ചതെത്ര
സ്വപ്നങ്ങള്‍ !

5 അഭിപ്രായങ്ങൾ:

  1. കഴുമരത്തിന്റെയും ജീവന്റെയും ശാസ്ത്രം ഗംഭീരം.:)

    മറുപടിഇല്ലാതാക്കൂ
  2. കഴുമരത്തിന്റെ തണലും തണുപ്പും..
    സനാതനന്‍ കഴുമരത്തെ പുനര്‍നിര്‍വ്വചിക്കുന്നതു ഏറെയിഷ്ടപ്പെട്ടു

    മറുപടിഇല്ലാതാക്കൂ
  3. കഴുമരത്തിന്
    എത്ര കിളരം
    എത്ര കവരം
    എത്രയെത്ര
    തണലും തണുപ്പും !

    കഴുമരത്തിന്റെ തത്വശാസ്ത്രം...!

    മറുപടിഇല്ലാതാക്കൂ
  4. സനാതനന്‍...

    കഴുമരത്തിന്‌ അഭിനന്ദനങ്ങള്‍

    പാവമാ കഴുമരം
    ഒന്നുമേയറിയാതെ...ഇന്നും
    ജീവിപ്പൂ ഒരു കഴുമരമായ്‌...

    നന്‍മകള്‍ നേരുന്നു

    മറുപടിഇല്ലാതാക്കൂ
  5. പാവം കഴുമരം..എന്നാലും വെറുക്കപ്പെടാനാ വിധി

    മറുപടിഇല്ലാതാക്കൂ