3/1/08

വെടി

പഴയ വാരികകള്‍
തുറന്നപ്പോള്‍
ഉള്ളില്‍ കനപ്പെട്ട
സാഹിത്യത്തില്‍
ശ്വാസംമുട്ടി ചത്തുപോയ
ഒരു ജനതതി.

ഈച്ച,കൊതു,
വിളക്കുപക്കി,
കഥ,കവിത,
ലേഖനങ്ങള്‍.
എട്ടുകാലികള്‍,
ഇരട്ടവാലികള്‍,
സാഹിത്യനിരൂപണം,
വാരഫലം.
ചര്‍ച്ചകള്‍,ചാര്‍ച്ചകള്‍,
ചലച്ചിത്ര ചര്‍വ്വണം.
ജീവനറ്റവയുടെ
വംശാവലി നീളുന്നു.

വേണ്ട വേണ്ട
വിമ്മിട്ടപ്പെട്ടു ഞാന്‍
ശവപ്പെട്ടി ധൃതിയില്‍
അടച്ചുവയ്ക്കാനൊരുങ്ങവേ
പഴയ കോട്ടയിലെ
പീരങ്കിക്കുഴല്‍ പോലെ
ഒരു വലിയ വെടി
നീണ്ടുവന്നെന്നെത്തൊട്ടു.
കാബൂളുപോലെ
ബാഗ്ദാദ് പോലെ
പുതിയ കാലത്തിന്റെ
മ്യൂസിയമായി ഞാന്‍
ചിതറിപ്പോയി.

9 അഭിപ്രായങ്ങൾ:

  1. പഴയ വാരികകള്‍
    തുറന്നപ്പോള്‍
    ഉള്ളില്‍ കനപ്പെട്ട
    സാഹിത്യത്തില്‍
    ശ്വാസംമുട്ടി ചത്തുപോയ
    ഒരു ജനതതി.

    ഏതാണ്ട് ഇതുപോലെ ചില വരികള്‍ എവിടേയോ വായിച്ചപോലെയുണ്ട്.പക്ഷേ എവിടേയാണെന്ന് ഓര്‍മ്മയില്ല.പറയാനുദ്ദേശിച്ചത് അതല്ലാത്തതിനാലും,അതുപറയാന്‍ ഈ വരികള്‍ ഒഴിച്ചുകൂടാനാവാത്തതിനാലും പോസ്റ്റു ചെയ്യുന്നുഅറിയാമെങ്കില്‍ ആരെങ്കിലും ചൂണ്ടിക്കാട്ടിയാല്‍ വളരെ ഉപകാരം

    മറുപടിഇല്ലാതാക്കൂ
  2. വെടികള്‍ പൊട്ടട്ടെ ... പൊളിയുന്നതും നല്ലതാണു .

    മറുപടിഇല്ലാതാക്കൂ
  3. ഒരു ജനതതി.

    ത കഴിഞ്ഞ് ഒരു ഗാപ്പ്, അതു കഴിഞ്ഞ് തി :).

    മറുപടിഇല്ലാതാക്കൂ
  4. സനാതനന്‍...

    ലളിതം ലാളിത്യം

    ആ വെടിയില്‍ പൊട്ടിയത്‌
    എങ്ങോ ചിന്നിചിതറി വീണു

    തേടുവതെന്തിന്നു ആ പഴയ ചിതലക്ഷരങ്ങള്‍
    മാഞ്ഞുപോകട്ടെ മണ്ണായ്‌...

    നമ്മുക്ക്‌ തുടരാമീ യാത്ര...

    ഒരന്വേഷണയാത്ര...

    ഇവിടെ പൊട്ടിയത്‌ ഞാന്‍
    എങ്കില്‍ നീ.................?

    നന്‍മകള്‍ നേരുന്നു

    മറുപടിഇല്ലാതാക്കൂ
  5. ചിതറിവീണ അശ്രുക്കളിനിയും കനല്‍ മൂടിയ ഇടവഴിയില്‍ കാണപ്പെടും.!!

    മറുപടിഇല്ലാതാക്കൂ
  6. അങ്ങനെ എഴുത്തുകാരന്‍ ഇല്ലാതെയും എഴുത്തുണ്ടായി .. എന്ന് ???

    മറുപടിഇല്ലാതാക്കൂ