28/2/08

സാക്ഷി

എല്ലാത്തിനും
സാക്ഷിയായി
മുകളിലൊരാളുണ്ട്
എന്ന ശാസന കേട്ടാണ്
ഞാന്‍ വളര്‍ന്നത്.

കൂട്ടിനുള്ളില്‍
കയറിനിന്ന്
കണ്ടില്ല
കേട്ടില്ല
അറിഞ്ഞില്ല
എന്നു മാത്രം
പറയുന്നവനാണ്
സാക്ഷി എന്ന്
കുറച്ചു കാലത്തെ
കോടതിപരിചയം
എന്നെ പഠിപ്പിച്ചു.

എല്ലാം കണ്ടും കേട്ടും
മുകളിലുള്ളവന്‍
സാക്ഷിതന്നെയാണെന്ന്
ചുറ്റുമുള്ള ജീവിതം
പലവുരു ശരിവച്ചു.

19 അഭിപ്രായങ്ങൾ:

  1. ദൈവത്തിന്‍റെയമ്മേ നിന്‍റെ മകന്‍ തന്നെ ഇതിനെല്ലാം സാക്ഷി. എന്നാലും എന്തൊരു resonating thoughts...

    മറുപടിഇല്ലാതാക്കൂ
  2. സനാ....

    അപ്പോഴും കൂട്ടില്‍ കേറി നില്‍ക്കുന്നവന്‍
    കണ്ടില്ല
    കേട്ടില്ല
    അറിഞ്ഞില്ല
    എന്നാവര്‍ത്തിച്ചുകൊണ്ടേയിരിക്കുന്നു


    നന്മകള്‍

    മറുപടിഇല്ലാതാക്കൂ
  3. സൂക്ഷിക്കുക സാക്ഷി ചിലപ്പോഴൊക്കെ വിധി കര്‍ത്താവാകും. ചുറ്റു മുള്ളതിന്റെയൊക്കെ മാക്‌സിമം അറിഞ്ഞതിനു ശേഷമാവും വിധി.

    മറുപടിഇല്ലാതാക്കൂ
  4. ചിലപ്പോള്‍ സാക്ഷി തന്നെ വാദിയും പ്രതിയുമാകാറുണ്ടെന്നു മാത്രം.

    മറുപടിഇല്ലാതാക്കൂ
  5. "സാക്ഷിക്കെന്താ കൊമ്പുണ്ടോ?"
    "............!"
    "...........................!"
    :)

    മറുപടിഇല്ലാതാക്കൂ
  6. ക്രോസ് ചെയ്യാന്‍ പറ്റാത്തതല്ലേ...സഹിക്കുക തന്നെ

    മറുപടിഇല്ലാതാക്കൂ
  7. സാക്ഷികളാവാന്‍
    ആര്‍ക്കും ക്ഷമയില്ല
    ദൈവത്തിനു പോലും

    മറുപടിഇല്ലാതാക്കൂ
  8. യ്യൊ മറന്നു സനതനാ
    നീയൊരു ചീത്തക്കുട്ട്യാ
    കാണാണ്ടാത്തതു കാണുന്ന
    കേള്‍ക്കണ്ടാത്തതു കേല്‍ക്കുന്ന
    പറയണ്ടാത്തതു പറയുന്ന
    ചീ‍ത്തക്കുട്ടി

    മറുപടിഇല്ലാതാക്കൂ
  9. കാലം സാക്ഷി...
    കാലനും....
    നല്ല ചിന്ത....
    ആശംസകള്‍.....

    മറുപടിഇല്ലാതാക്കൂ
  10. എല്ലാര്‍ടേം കളി ദൈവത്തോടാണല്ലോ...

    നന്നായിരിക്കുന്നു

    മറുപടിഇല്ലാതാക്കൂ
  11. എല്ലാം കണ്ടും കേട്ടും
    മുകളിലുള്ളവന്‍
    സാക്ഷിതന്നെയാണെന്ന്
    ചുറ്റുമുള്ള ജീവിതം
    പലവുരു ശരിവച്ചു.

    ഇഷ്ടമായി..

    മറുപടിഇല്ലാതാക്കൂ
  12. അങ്ങനെ നല്ലൊരു കവിതക്കു കൂടി സാക്ഷിയായി:)

    മറുപടിഇല്ലാതാക്കൂ
  13. വല്ലാത്തൊരു ചിന്തയാണല്ലോ സനാതനന്‍, ഇങ്ങനെ പലപ്പോഴും തോന്നിയിട്ടുണ്ടെന്ന് കവിത തിരിച്ചറിവു തരുന്നു.

    മറുപടിഇല്ലാതാക്കൂ
  14. ദൈവത്തിന്റെ രൂപത്തില്‍ മനുഷ്യനെ സൃഷ്ടിച്ചുവെന്ന് പറയുന്നതു അതുകൊണ്ടാകാം

    മറുപടിഇല്ലാതാക്കൂ