25/7/07

ക്ഷുദ്ര ജന്തുക്കള്‍

വെയിലിന്റെ പൂട പറിച്ച്
ചുവക്കെപൊരിച്ചെടുത്ത പക്ഷിയെ
ഒരു പകല്‍ മുഴുവന്‍ പട്ടിണികിടന്ന ഇരുട്ട്
ഒറ്റയടിക്കു വിഴുങ്ങി......

ഈ മുറിയില്‍ എലികളൊന്നും
ഇല്ലെന്നറിഞ്ഞിട്ടും,കൂര്‍ത്ത നഖമുള്ള
ഒരു പൂച്ച, രാത്രിതോറും വരുന്നു.
ആത്മാവിന്റെ പൂച്ചുകളൂരിവച്ച
നഗ്നനശ്വരശരീരത്തില്‍
മാന്തി മാന്തിയുണര്‍ത്തുന്നു.

പാപങ്ങളുടെ പാശങ്ങളോരോന്നായി
അഴിച്ചഴിച്ച് അനശ്വരമായ ആകാശത്തിലേക്ക്
കെട്ടുപൊട്ടാന്‍ കൊതിക്കുമ്പോഴാണ്,
പ്രവാചകന്മാരുടെ അടക്കോഴികള്‍
ദൈവങ്ങളുടെ ഭ്രൂണങ്ങളെ കൊത്തിക്കുടിക്കുന്നത്.

5 അഭിപ്രായങ്ങൾ:

  1. എത്ര ഇരുള്‍ മൂടിയാലും, അറിവിന്റെ വെളിച്ചം, അതന്വേഷിയ്കുന്ന ആത്മാവിലേയ്ക് ഒഴുകി വരും.
    ചിന്തയിലും, വാക്കുകളിലും എന്നും ആ വെളിച്ചത്തിന്റെ തെളിമ പ്രതിഭലിയ്കട്ടെ.

    മറുപടിഇല്ലാതാക്കൂ
  2. എനിക്കിഷ്ട്ടപ്പെട്ട വരികള്,

    പാപങ്ങളുടെ പാശങ്ങളോരോന്നായി
    അഴിച്ചഴിച്ച് അനശ്വരമായ ആകാശത്തിലേക്ക്
    കെട്ടുപൊട്ടാന്‍ കൊതിക്കുമ്പോഴാണ്,
    പ്രവാചകന്മാരുടെ അടക്കോഴികള്‍
    ദൈവങ്ങളുടെ ഭ്രൂണങ്ങളെ കൊത്തിക്കുടിക്കുന്നത്.

    മറുപടിഇല്ലാതാക്കൂ
  3. എന്തു ചെയ്യാം, ഈ ക്ഷുദ്രജന്തുക്കള്‍ ഇല്ലാതെ പറ്റില്ലല്ലോ?

    മറുപടിഇല്ലാതാക്കൂ
  4. പ്രവാചകന്മാരുടെ അടക്കോഴികള്‍...

    ഇതുകാണാതെ പോയല്ലോ, സനലേ. തകര്‍പ്പന്‍ കവിത.

    മറുപടിഇല്ലാതാക്കൂ
  5. പ്രവാചകന്മാരുടെ അടക്കോഴികള്‍...

    ഇതുകാണാതെ പോയല്ലോ, സനലേ. തകര്‍പ്പന്‍ കവിത.

    മറുപടിഇല്ലാതാക്കൂ