4/9/07

അലക്ക്

എനിക്കറിയാം
ഓരോ രാത്രിയേയും
നീയെന്റെ നെഞ്ചില്‍ നിര്‍ദ്ദയം
അടിച്ചു വെളുപ്പിക്കുകയാണെന്ന്...

നിനക്കുമറിയാം
എത്ര വെളുത്താലും
ഒരു വെയില്‍ വന്നു മായുന്നതിനിടെ
ഈ പകലുകള്‍ക്ക് കറുത്തുപോകാതിരിക്കാന്‍
കഴിയില്ലെന്നും....

എത്ര തിന്നാലും നിറയാത്ത,
എത്ര തൂറിയാലും ഒഴിയാത്ത,
ഈ ജീവിതത്തിന്റെ
അഴുക്കുകളും ആര്‍ത്തവങ്ങളും
പിന്നെ എവിടെ പോയടിയാനാണ്...!

എന്നിട്ടും....
എന്നിട്ടും....
നിനക്കു നാണമില്ലേ
എന്നെ ഇങ്ങനെ ഉപദ്രവിക്കാന്‍
ഒരു ഗുണവുമില്ലാതെ......

17 അഭിപ്രായങ്ങൾ:

  1. എനിക്കറിയാം
    ഓരോ രാത്രിയേയും
    നീയെന്റെ നെഞ്ചില്‍ നിര്‍ദ്ദയം
    അടിച്ചു വെളുപ്പിക്കുകയാണെന്ന്...

    ****അലക്ക്*****

    മറുപടിഇല്ലാതാക്കൂ
  2. ഒരു ഗുണവുമില്ലാത്ത കവിതയെന്നാണോ സുല്ലേ?
    :))

    മറുപടിഇല്ലാതാക്കൂ
  3. രസകരമായിരിക്കുന്നു... സനാതനന്‍.
    അലക്കുകാരനായ കാലം എന്തുമാത്രം ആത്മാര്‍ത്ഥതയോടെ ദിവസവും തന്റെ ജോലി ചെയ്യുന്നു...എന്നിട്ടും എത്ര നിര്‍ദയമായാണ് അതെല്ലാം അഴുക്കാക്കുന്നത് ?

    നല്ല വാക്കുകളും, പ്രയോഗങ്ങളും.....
    ജനം അകറ്റി നിര്‍ത്തുന്ന വാക്കുകളെല്ലാം കഴുകിത്തുട്ച്ച് പുറത്തു കൊണ്ടുവരിക.

    മറുപടിഇല്ലാതാക്കൂ
  4. ഹമ്മേ ഞാന്‍ രക്ഷപ്പെട്ടു
    വിരണ്ടുപോയീ ചിത്രകാരാ ആകെ വിരണ്ടു പോയീ.ഭാര്യ വിളിച്ച് കുറ്റം പറഞ്ഞു മോശമായിപ്പോയെന്നും പറഞ്ഞ്..

    മറുപടിഇല്ലാതാക്കൂ
  5. സനാതനാ,
    തനന ത്ന്നാനാ തനന തന്നാനാ
    എന്നെ രീതിയില്‍ വരെ വായിച്ചുനോക്കി....

    ചിത്രകാരന്റെ വ്യാഖ്യാനം
    അത്ര എളുപ്പത്തില്‍ അനുഭവവേദ്യമാവുമോ !
    വാക്കുകളുടെ നിരത്തല്‍, പക്ഷെ, അസ്സല്‍ !!

    ആശംസകള്‍!
    സജ്ജീവ്

    മറുപടിഇല്ലാതാക്കൂ
  6. “നിനക്കുമറിയാം
    എത്ര വെളുത്താലും
    ഒരു വെയില്‍ വന്നു മായുന്നതിനിടെ
    ഈ പകലുകള്‍ക്ക് കറുത്തുപോകാതിരിക്കാന്‍
    കഴിയില്ലെന്നും....”

    കൊള്ളാം മാഷെ.
    :)

    മറുപടിഇല്ലാതാക്കൂ
  7. സനാതനന്‍, പറഞ്ഞ് വന്നത് എത്ര നന്നാക്കിയാലും ലോകം നന്നാവില്ല എന്നല്ലെ. മനുഷ്യനെ നന്നാക്കുവാനത്രേ മതങ്ങളുണ്ടായത്. മതങ്ങള്‍ ആളുകളെക്കൊണ്ട് വാളെടുപ്പിച്ചു. മാര്‍ക്സും ഏം‌ഗല്‍‌സുമൊക്കെ ലോകത്തെ നന്നാക്കാന്‍ കുറേ തത്വങ്ങള്‍ പറഞ്ഞു. പിന്‍‌ഗാമികള്‍ ആ പുസ്തകങ്ങള്‍ തലക്കുവച്ച് കിടന്നുറങ്ങി. ബുദ്ധന്‍ മതത്തെ എതിര്‍ത്തു. ശിഷ്യന്മാര്‍ ബുദ്ധമതമുണ്ടാക്കി. നാരായണഗുരു ജാതി-മതങ്ങളെ എതിര്‍ത്തു. ശിഷ്യര്‍ ഗുരുവിനെ ഈഴവ ദൈവമാക്കി. കാരണം,
    എത്ര തിന്നാലും നിറയാത്ത,
    എത്ര തൂറിയാലും ഒഴിയാത്ത,
    ഈ ജീവിതത്തിന്റെ
    അഴുക്കുകളും ആര്‍ത്തവങ്ങളും
    പിന്നെ എവിടെ പോയടിയാനാണ്...!
    എങ്കിലും എത്ര ഇരുണ്ടാലും പിന്നെയും ഒരു വെളുത്ത പുലരി വരുമല്ലോ നമുക്ക് പ്രതീക്ഷയും കൊണ്ട്.

    മറുപടിഇല്ലാതാക്കൂ
  8. നന്ദി കിനാവേ,
    തൂറല്‍ എന്ന വാക്കു തന്നെ മിക്കവാറും പേര്‍ക്ക് നാറ്റമുള്ളതായിരുന്നു.കാര്‍ട്ടൂണിസ്റ്റു പറഞ്ഞതു നോക്കൂ പൂരപ്പാട്ടിന്റെ രീതിയില്‍ പോലും വായിച്ചു നോക്കിയിട്ടും നന്നാവുന്നില്ല എന്ന്.

    മറുപടിഇല്ലാതാക്കൂ
  9. സനാതനന്‍ സാറേ,
    ആരാ പ്രതി..?
    :)
    സുനില്‍

    മറുപടിഇല്ലാതാക്കൂ
  10. തൂറുന്നതിനു വരെ പൊളിറ്റിക്സ് ഉള്ള ഈ കൊച്ചു കേരളത്തില്‍ വെളുപ്പിച്ചെടുക്കാനും ആര്‍ത്തവങ്ങളെ സ്വകാര്യമായി അമര്‍ത്തി പിടിക്കാനും കുറച്ച് കഷ്ടപ്പെടണം. രസമായിട്ടുണ്ട് :)

    ഓ.ടോ: ഞാന്‍ ആര്‍ത്തവം എന്നു പറഞ്ഞപ്പോള്‍ എന്റെ ബ്ലോഗിലേക്ക് ഇടിച്ചു കയറിയ ജനക്കൂട്ടത്തെ ഇവിടെ എന്തേ കാണുന്നില്ല?

    മറുപടിഇല്ലാതാക്കൂ
  11. അതിനു ഞാന്‍ പറഞ്ഞത് ജീവിതത്തിന്റെ ആര്‍ത്തവത്തെക്കുറിച്ചല്ലേ.ജീവിതത്തിന്റെ ആര്‍ത്തവത്തിന് പുരുഷത്ത്വമല്ലേ ഉള്ളത് ഐശിബീ.അതിനു സാരമില്ല.സ്ത്രീകള്‍ പറയാതിരുന്നാല്‍ മതി. :))

    മറുപടിഇല്ലാതാക്കൂ