14/5/08

കള്ളിയോട്‌

കള്ളിയുടെ പൂക്കളെക്കണ്ടാൽ
ആമ്പൽപ്പൂവെന്നേ പറയൂ;
മുള്ളുമില്ല മുരടുമില്ല.
വെളുത്ത വെളുത്ത നിറം,
പതുത്ത പതുത്ത ഇതൾ,
നിലാവിൽ മനസുറക്കും മണം.

ജനനം മുതൽ മരണംവരെ,
സർവ്വത്ര കുളിരിൽ നീരാടുന്ന
ആമ്പൽപോലെ പൂക്കാൻ,
നൂറ്റാണ്ട്‌ പൊരിഞ്ഞു നിന്നാലും
ദാഹം തീരാൻ കിട്ടാത്ത,
പട്ടിണിപ്പാവം കള്ളീ
നീയെന്തിനു ബദ്ധപ്പെടുന്നു?

മുള്ളും മുരടുമായി
നീ പൂക്കാത്തതെന്തേ;
മുറ്റിയ വെയിലിൽ
ഉള്ളുപൊള്ളി പണിയുന്നവരുടെ,
കക്ഷക്കുഴി നാറ്റം
കാറ്റിൽ കലക്കാത്തതെന്തേ?

7 അഭിപ്രായങ്ങൾ:

  1. കള്ളിപ്പൂവിനെപ്പറ്റി ഇന്നൊരു ഫോട്ടോ ബ്ലോഗില്‍ പറഞ്ഞതേയുള്ളൂ.
    പയ്യന്നൂരമ്പലക്കുളത്തിനടുത്താണ് പച്ചത്തണ്ട് തുളച്ച് പുറത്തുവന്ന കള്ളിപ്പൂക്കള്‍ ആദ്യമായി കണ്ടത്. കൊല്ലം കുറേയായി. എന്താന്നറിയില്ല ഒരു തരം ഭയം തോന്നി.

    മറുപടിഇല്ലാതാക്കൂ
  2. കള്ളിപ്പൂവിനെ ഓര്‍മ്മ വരുന്നില്ല.
    കള്ളി+പൂവ് എന്ന് പിരിച്ചെടുത്തു.

    മറുപടിഇല്ലാതാക്കൂ
  3. അനിലാ ഏതു ബ്ലോഗാ അത്.അതിന്റെ ഒരു ലിങ്ക് കൊടുക്കാമോ?
    ജ്യോനവാ കള്ളിപ്പൂവിന്റെ പടത്തിലേക്ക് ലിങ്കിടുന്നു.

    സന്തോഷം :)

    മറുപടിഇല്ലാതാക്കൂ
  4. ആദ്യമായാണ്‌ കള്ളിപൂവ്‌ കാണുന്നത്‌. ഒരുപാട്‌ കേട്ടിരിക്ക്‌ണ്‌...

    മറുപടിഇല്ലാതാക്കൂ
  5. എന്തു ഭംഗിയാ കള്ളിപൂവ് കാണാന്‍. ഞാനും ആദ്യമായാ കാണുന്നെ. എന്തിനാ പൂവിനു മുള്ളും മുരടും. ചുറ്റും തീത്തിരക്കയല്ലേ ഒരു മുള്ളിന്റെ കോട്ട

    മറുപടിഇല്ലാതാക്കൂ
  6. വെള്ളംകാണാതെ ജീവിക്കുന്ന കള്ളി വെള്ളത്തില്‍ ജീവിക്കുന്ന ആമ്പലിനേപ്പോലെ പൂക്കാന്‍ ശ്രമിക്കുന്നു! വലിയൊരു സത്യം..!

    മറുപടിഇല്ലാതാക്കൂ